1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Повторно напади врз цркви во Нигерија

Во Нигерија повторно се извршени напади врз христијански цркви. Агенциите јавуваат за повеќемина загинати и ранети.

Во централнонигерискиот град Џос еден напаѓач активирал експлозив во евангелистичка црква при што се ранети повеќе луѓе. Нигериски медиум јавува за четворица загинати, според изворот, атентаторот во дворот на црквата влегол со автомобил.

Во северниот дел од земјата пак, непознато лице отворило оган за време на богослужба, но засега нема информации за жртвите.

Христијаните во Нигерија во блиското минато постојано беа цел на напади. За поголем дел од нив одговорноста ја презеде радикалната група Боко Харам, чија цел е создавање радикално-исламистички поредок во земјата. Според аналитичарите, терористите стануваат се‘ понепредвидливи.

Нигерија со околу 155 милиони жители е најбројната со луѓе држава во Африка. Половината од жителите се припадници на исламот, а уделот на христијани се проценува на околу 40 до 48 проценти. Северниот дел од земјата е претежно исламски, додека во јужниот дел живеат главно христијани.