1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Европа

Пиратите лансираа беспилотно летало врз Меркел

Од германската Партија на Пиратите признаа дека тие стојат зад лансирањето на беспилотното летало кое во неделата ги изненади присутните за време на предизборен митинг на канцеларката Меркел.

Од Партијата на Пиратите соопштија дека беспилотното летало го лансирале во знак на протест поради владиниот став за „дроновите“ и контролата на граѓаните. Меркел делуваше како да се забавува кога во нејзина непосредна близина се урна леталото кое беше опремено и со камера.

„Сакавме Меркел и министерот за одбрана Томас Де Мезие да видат како изгледа да бидеш набљудуван од дрон“, соопшти заменикот претседател на Пиратите, Маркус Баренхоф.

„За нас, употребата на дроновите во рамките на безбедносната рамка на ЕУ е катастрофален тренд“, дополни тој.

Протестот исто така се однесуваше и на големиот скандал со развојот на европско беспилотно летало, кој пропадна иако за него беа потрошени 500 милиони евра. Во центарот на овој скандал беше токму германскиот министер за одбрана Де Мезие.

Целиот случај со беспилотното летало се одвиваше во неделата во Дрезден, за време на предизборен митинг на ЦДУ, партијата на Меркел. Откако полицијата го пронајде лицето кое управува со леталото го принуди да го спушти на земја, по што тоа атерираше, речиси, пред нозете на Меркел. 23-годишникот кој го управувал леталото со далечински управувач е уапсен.

Партијата на Партијата, која се залага за слободен интернет, избувна на германската политичка сцена пред неколку години и успеа да освои пратенички места во четири покраински парламенти. Но нејзината популарност меѓу граѓаните во последниот период е во пад, и во моментов анкетите покажуваат дека таа тешко ќе го достигне неопходниот цензус од пет проценти за влез во Бундестагот, на парламентарните избори закажани за в недела.