1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

Петковски: Глигоров знаеше да се справи со радикалните сили

Тито Петковски, поранешен претседател на Собранието на РМ и лидер на НСДП, ја истакнува заслугата на починатиот македонски претседател Глигоров во осамостојувањето на земјата без испукан куршум.

default

Тито Петковски

Тито Петковски му оддава признание на Глигоров за мудроста во водењето политика со тогашната ЈНА при распадот на Југославија и справувањето со радикалните политички сили во Македонија:

„Киро Глигоров без сомнение е персонификација на современата македонска држава, бидејќи со него почна процесот на осамостојување на Република Македонија и е човекот преку кој се сублимираше општонационалната волја –Македонија да биде суверена држава или како што милуваше да каже- Македонија да биде своја на своето.

Киро Глигоров беше човек со огромно политичко искуство, кој одлично ги разбираше политичките процеси и можеше да ги насочува во посакуваниот правец, а во тоа време правецот беше Македонија да стане дел од светот.

Најважното за него е што водеше мирољубива политика и иницираше преговори за да ги оствари своите стратешки цели - Македонија да стане самостојна држава без војна и крвопролевање.

Македонија стана самостојна држава, што се вели, без испукан куршум, без разлика што во тоа време радикалните политички сили во Македонија отворено изјавуваа дека нема држава без крв и страдања.

Беше мудар во водењето на политиката, што најдобро можеше да се види преку преговорите со, во тоа време, воинствената ЈНА, раскараните лидери на тогашна Југославија и особено со радикалните политички сили во Република Македонија“.

Автор: Сашко Димевски

Редактор: Ж. Ацеска