1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Папата во Либан: Не плашете се!

Насилните протести во Либан само го зацврстија папата Бенедикт Шеснаесетти во неговата мировна мисија. С‘ржта на неговата порака до верниците во регионот е - да не се плашат.

Папата Бенедикт Шеснаесетти денеска (15.09) ја продолжува посетата на Либан со средба со претседателот Мишел Сулејман, како и со претседателите на парламентот и на владата. Потоа Бенедикт Шеснаесетти во Бејрут ќе има важна средба со водечките муслимани на земјата, по што ќе одржи и говор пред политичарите, дипломатите и претставници на општествениот живот.

Илјадници верници го поздравија и денеска папата на улиците на Бејрут. Неговиот портпарол Федерико Ломбарди изјави дека папата е информиран за безредијата во арапските земји, меѓу кои и за оние во Триполи, но тоа воопшто не го поколебало за продолжување на неговата посета на Либан. Тридневната посета е „во целина земено - мировна порака“, особено важна со оглед на тензиите во регионот, вели Ломбарди.

Ватикан постојано го истакнува верскиот карактер на посетата на Либан, но папата уште на првиот ден во Бејрут упати конкретни зборови во врска со крвавиот конфликт во Сирија: лиферувањето оружје до соседната земја мора да „прекине“, зашто „без оружје не може да се води војна“. Сирискиот конфликт во последно време се прелева и во Либан. Градот Триполи во северниот дел од земјата уште од мај повеќе пати е арена на насилство меѓу сунитските противници и алавитските приврзеници на сирискиот претседател Башар ал-Асад.

Папата Бенедикт Шеснаесетти на почетокот на посетата повика на поголема толеранција меѓу верските групи во земјата. Познатата „либанска рамнотежа“ е лабилна во висока мера, рече тој, истовремено фалејќи ја улогата на христијаните во Либан. Нивното присуство, ангажираноста и осведоченоста се „признат и многу ценет придонес“ во секојдневниот живот на сите жители во земјата, рече папата.

Синоќа тој во Хариса заедно со црковни великодостојници потпиша папски документ, со кој се повикува на мир и помирување во регионот на Блискиот Исток. Околу 35 проценти од четиримилионскиот Либан се христијани, најголем дел католици.