1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Папата апелираше за помош за гладните во источна Африка

Папата Бенетикт Шеснаесетти ја повика меѓународната заедница да им помогне на гладните на Рогот на Африка. „Луѓето не смеат рамнодушно да ја набљудуваат трагедијата“, порача папата.

default

Папата Бенедикт Шеснаесетти

Поглаварот на Римокатоличката Црква, Папата Бенедикт Шеснаесетти упати апел до светската заедница да им помогне на милионите прегладнети луѓе на истокот на Африка. Кризата со глад на Рогот на Африка е дополнително влошена поради војната и остсуството на институции во регионот, порача папата во неговата летна резиденција Кастел Гандолфо кај Рим.

Поради сушата која се’ уште трае во овој регион, според проценките на Обединетите Нации преку 12 милиони луѓе се загрозени од глад. Светската организација смета дека десетици илјади луѓе веќе починале како последица на прегладнетост во изминатите недели. Погодени од сушата и гласот се источноафриканските држави Етиопија, Сомалија, Џибути, Уганда и Судан.

Автор:СН/АТ/да

Редактор: Александра Трајковска