1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Папандреу ги изврши неопходните кадровски промени во владата

Грчкиот премиер Папандреу го предложи новиот состав на владата. Сменет е министерот за финансии Јоргос Папаконстантину, кој беше архитект на спорната програма за штедење. На негово место доаѓа Евангелос Венизелос.

default

Идниот министер за финансии на Грција Евангелос Венизелос

Грчкиот премиер Јоргос Папандреу го именуваше досегашниот министер за одбрана Евангелос Венизелос за вице-премиер и министер за финансии, како дел од реконструкцијата на кабинетот.

Венизелос едновреме беше најголем ривал на Папандреу за лидерската функција во ПАСОК откако оваа партија ги загуби изборите во 2007 година.

Досегашниот министер на финансии, Јоргос Папаконстантину, кој беше творец на спорната програма за штедење ќе стане министер за животна средина.

griechische Eu-Parlamentarier Stavros LAMBRINIDIS

Европарламентарецот Ламбринидис ќе биде нов шеф на грчката дипломатија

Да се обезбеди поддршка за програмата за штедење

Промени има и во ресорот надворешни работи. На местото на Димитрис Друцас доаѓа европарламентарецот Ставрос Ламбринидис.

За министер за одбрана пак е именуван Панос Бедлитис. Новата влада треба да поднесе заклетва подоцна во текот на денот, а во вторник треба да и‘ биде изгласана доверба во грчкиот парламент.

Папандреу се обидува со промените во владата, која е соочи со отпори од опозицијата, синдикатите и од сопствените редови, да обезбеди поддршка во парламентот за својата спорна програма за штедење.

Владата предложи да се намалат платите, да се зголемат даноците, да се намали бројот на вработени и да се приватизираат јавните компании. На тој начин оваа година треба да се заштедат над шест милијарди евра, што е предуслов да се добие нов кредит од ММФ и европските финансиски институции.

Автор:СН/ ЖА/миа/макфакс/ртр

Редактор: Симе Недевски

DW.COM