1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Пападемос по изборите и’ се враќа на науката

Грчкиот премиер Лукас Пападемос планира да ја продолжи својата научна кариера по завршувањето на предвремените парламентарни избори, закажани за 6-ти мај.

Член на грчката влада информира дека преодниот премиер Ликас Пападемос ќе се повлече од политиката, затоа што го има осигурано вториот пакет помош за земјата. Јоргос Пагоулатос, шеф на канцеларијата за стратешко планирање при грчката влада, за неделникот „Прото Тема“ изјави дека „Лукас Пападемос беше повикан во итна ситуација за тешка задача, што тој ја исполни“. „Тој има академски задолженија и има намера да им се врати“, изјави Пагоулатос.

Пападемос е професор по економија на Универзитетот во Атина и визитинг професор на Харвард. Од него се очекуваше да се повлече кога ќе се обезбеди финансиската помош за Грција и ќе се одржат изборите.

Поранешниот заменик-претседател не Европската централна банка ја презеде премиерската функција во ноември токму со таква задача – обезбедување на спасувачкиот пакет од 130 милијарди евра и отпишување на дел од грчкиот долг, за да го спречи евентуалниот банкрот на земјата.

Неговата влада ја сочинуваат конзервативната Неа Демократија и социјалистичкиот ПАСОК, кои се единствените две големи партии поддржувачи на финансискиот пакет помош. Од нив се очекува да ја обноват коалицијата по изборите, бидејќи само на тоа се гледа како на опција Грција да продолжи со спроведувањето на реформите и да остане во еврозоната.

Името на Пападемос се појавуваше како потенцијален кандидат за шеф на таквата коалиција, но лидерите на двете партии укажуваа дека тоа не е веројатно да се случи. Адонис Самарас, лидерот на Неа Демократија, изјави дека следниот премиер на Грција треба да биде од редовите на најголемата партија. Евангелос Венизелос од ПАСОК, пак, рече дека на премиерската позиција би преферирал да види политичар.