1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Панорама

„Панкот не е мртов“ награден на фестивалот во Карлови Вари

Македонскиот филм „Панкот не е мртов“ во режија на Владимир Блажевски е избран за најдобар во конкуренцијата на филмови „Источно од Запад“ на 46-от меѓународен филмски фестивал во Карлови Вари.

default

По доделувањето на наградата, режисерот за агенцијата Миа изјави дека е големо задоволство и инспирација да се добие награда во Карлови Вари. Посебно е задоволен зашто ја добива по сите, како што рече, тормозења во изминатите три години неизвесност, пред се’ поради проблемот со финансиите.

Symbolbild Filmregisseur

„Проектот се давеше неколку години од разни причини и мотиви, за на крај да се најдеме неколку луѓе и да го направиме со многу ентузијазам и со многу волја да се истрае. Тоа што бевме хендикепирани со многу мали средства се обидувавме да го надоместиме со страст и стопроцентна посветеност. Ова сигурно ќе ми биде последен ваков потфат, зашто многу чини, многу стресно ми поминаа три години“, рече Блажевски и додаде дека за следен проект нема да чека долго (како овој филм, снимен по речиси 20 години од претходниот) и оти идниот филм очекува да го работи под нормални услови. Според него, „Панкот не е мртов“ ќе патува на многу фестивали.

„Панкот не е мртов“ е третиот игран филм на Блажевски. Првиот негов игран филм беше „HI-FI“ од 1987 година. Блажевски е сценарист и на филмовите „Големата вода“ и „Џипси Меџик“.

Филмскиот фестивал во Карлови Вари постои од 1946 година се смета за еден од најстарите и најценетите. Влегува во „А“ категоријата заедно со фестивалите во Кан, Берлин, Венеција, Локарно и Ротердам.

Автор: АТ/ миа/ макфакс

Редактор: Горан Чутаноски