1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Панорама

Отворен Саемот на книгата во Франкфурт

Секоја година во октомври, во Франкфурт на Саемот на книгата се презентираат илјадници издавачи, библиотекари, книжевни агенти и пред се´ писатели и љубители на книгата. Оваа година има околу 7.500 издавачи од 110 земји.

Fahnen / Flags 2011 Fotograf: Fernando Baptista Copyright: Frankfurter Buchmesse Abgerufen unter: http://medienarchiv.buchmesse.de/keyword.html?currentContainerId=379&lang=de, 11.10.2011. ***NUTZUNGSRECHTE FÜR PRESSEFOTOS DER FRANKFURTER BUCHMESSE: Die Fotos dürfen nur für redaktionelle Zwecke im Rahmen der journalistischen Berichterstattung über die Frankfurter Buchmesse verwendet werden. Die Urhebernutzungs- und Verwertungsrechte an den Fotos liegen bei der Ausstellungs- und Messe GmbH des Börsenvereins des Deutschen Buchhandels/Frankfurter Buchmesse, jedoch nicht die Persönlichkeitsrechte der abgebildeten Personen. Fotos, die für oben genannte Zwecke verwendet, verändert, vervielfältigt und/oder elektronisch verfremdet werden, müssen mit der Quellenangabe Frankfurter Buchmesse/Name des Fotografen versehen werden. Der Abdruck und die Veröffentlichung der Fotos sind honorarfrei. Dafür bitten wir jedoch bei Printmedien um ein Belegexemplar, bei elektronischen Medien (Internet) um eine kurze Benachrichtigung. Für eine gewerbliche Nutzung der Fotos bedarf es einer vorherigen schriftlichen Zustimmung der Frankfurter Buchmesse. Bitte senden Sie Ihr Belegexemplar/eine Benachrichtigung an: Frankfurter Buchmesse Presse- und Unternehmenskommunikation Reineckstraße 3 60313 Frankfurt am Main press@book-fair.com****

Франкфурт - Саем на книгата 2011

Саемот на книгата во Франкфурт, што се одржува од 12. до 16. октомври, е единствен во светот по тоа што на заинтересираните им нуди можност на едно место да се сретнат апсолутно сите кои нешто значат во светот на книгата. Доволно е да се каже дека во Франкфурт доѓаат двојно повеќе британски издавачи отколку во Лондон, а иста е ситуацијата и со француските издавачи. Две третини од излагачите во Франкфурт доаѓаат од странство. Оваа година се очекуваат околу 300 илјади посетители.

Во понеделникот вечерта, во предвечерјето на отворањето на Саемот на книгата, беше објавено името на добитникот на Германската книжевна награда за 2011 година, која во рамки на Саемот ја доделува Здружението на германските книжари. Тоа оваа година е Ојген Руге, кој на 57- годишна возраст го напишал својот прв роман „ Во времиња на светлоста која се гасне”, автобиографска семејна приказна од ГДР.

Оваа реномирана награда се доделува со цел популаризација на германската современа литература на странскиот пазар. Претседателката на годинашното жири, Мајке Албат, вели дека темите што ги обработувале годинешните кандидати имале заеднички фокус: „Истокот повторно на нов начин беше во центарот на вниманието на големиот број писатели. Што се однесува до странската публика, неа претежно ја интересира поновата германска историја.”

Ќе биде доделена Наградата за мир

Der Schriftsteller Eugen Ruge blickt am Montag (10.10.2011) im Römer in Frankfurt am Main nach dem Gewinn des Deutschen Buchpreises 2011in die Runde. Er bekam die Auszeichnung für seinen Roman In Zeiten des abnehmenden Lichts. Zum siebten Mal hat der Börsenverein des Deutschen Buchhandels am Vorabend der Frankfurter Buchmesse den besten deutschsprachigen Roman des Jahres ausgezeichnet. Foto: Arne Dedert dpa/lhe +++(c) dpa - Bildfunk+++

Ојген Руге, добитникот на Германската книжевна награда

На последниот ден на саемот се доделува и Наградата за мир, која ја доделуваат германските книжари. Неа годинава ја доби алжирскиот писател Буалем Сенсал, економист кој започнал да пишува откако се пензионирал. На тоа го навело ширењето на фундаменталистичкото движење во Алжир, и секако, му донесло проблем во неговата земја, поради што францускиот издавач му предлагал да пишува под псевдоним: „Ако човекот се ангажира, тогаш не мора да се сокрива. Тоа не се прави под псевдоним, бидејќи во тој случај нема смисол. Затоа реков дека книгата ќе ја објавам под свое име,” вели Сенсал.

Организаторите на саемот на книгата сакаат да го унапредат мултимедијалното вмрежување. Мотото на годинашниов саем гласи: „Ново размислување”, што се однесува на новите медиумски реформи и новите идеи. Веќе во минатата година 41 насто од издавачите имале дигитални производи.

Исланд е почесен гостин во Франкфурт

Plakat zum Gastlandauftritt Sagenhaftes Island bei der Frankfurter Buchmesse 2011

Плакатот на земјата гостин-Исланд

Почесен гостин годинава на Саемот, инаку, е Исланд. За време на саемот ќе бидат објавени 200 нови наслови, а во центарот на вниманието се преводите на средновековните исландски саги. Исланд, како ниту една друга земја, се дефинира низ националната книжевност. Секој Исланѓанец годишно во просек купува осум книги. Томас Бем, координатор на настапот на Исланд на Саемот на книгата во Франкфурт вели:

„ Кога во 18 часот во Исланд ќе се затворат сите продавници, книжарниците остануваат отворени до 22 или дури до 24 часот. Во Рејкјавик сите се договараат за состаноци во книжарниците.”

Исландските писатели, по примерот на другите популарни автори на пишаниот збор, во времето на одржувањето на саемот на книгата во Франкфурт ќе настапат и на специјалниот саем „Лит. Колоњ“ што се одржува во Келн. Свои дела ќе читаат Умберто Еко, Мартин Валзер, Дорис Дори или популарната германска актерка Ханелоре Елзнер.

Автор: Жељка Башиќ Савиќ / Светлана Брик

Редактор: Елизабета Милошевска Фиданоска