1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Теми

Оставка подари бришењето на борењето од Олимпијадите

Шефот на Меѓународната боречка федерација денеска поднесе оставка како одговор на потегот на Меѓународниот олимписки комитет да го отстрани борењето од листата на сигурни спортски натпревари на идните Олимпијади.

Заминувањето на Швајцарецот Рафаел Мартинети се случи на состанокот на Извршниот комитет на ФИЛА во Пукет, Тајланд и е потврдено од членот на ФИЛА Ненад Лаковиќ. Мартинети беше на чело на Меѓународната боречка федерација од 2002 година.

FILA-Präsidenten Raphael Martinetti

Рафаел Мартинети, претседател во заминување на ФИЛА

Претходно оваа недела Меѓународниот олимписки комитет го отстрани борењето од листата спортови кои ќе имаат загарнтиран дел од следните летни Олимпијади. Тоа значи дека овој спорт ќе мора да се бори со други спортови за свое место во програмата.

Извршниот директор на американската боречка федерација Рич Бендер изјави дека заминувањето на Мартинети „овозможува меѓународното борење да се промени и унапреди“, како и дека тоа е шанса „да се создаде нов и свеж однос“ со Меѓународниот олимписки комитет.

Бидејќи борењето повеќе не е дел од основните олимписки спортови, тоа ќе мора да се натпреварува со седум други – бејзбол и софтбол, сквош, карате, скијање на вода (вејкбординг), екстремно планинарење, спортови на ролерки и боречката вештина вушу. За сите овие спортови има само едно место на Олимписките игри кои ќе се одржат во 2020 година. Одлуката кој од нив ќе го заземе последното место за учество на Олимпијадата ќе биде донесена на состанокот на Меѓународниот олимписки комитет во Санкт Петербург, Русија, во мај оваа година.

Iran Wrestling

Борењето било дел од олимпијадите во античка Грција, но и од првата модерна Олимпијада

Борењето е еден од најстарите олимписки спортови, кој беше на програмата од првата модерна Олимпијада во 1896 година. Борењето било дел и од древните Олимписки игри во античка Грција од 708 година пред новата ера. На последните Олимписки игри во Лондон се натпреваруваа 344 спортисти во борење – во 11 дисциплини во слободен и во седум дисциплини во грчко-римски стил.

Последните спортови кои се отстранети од програмата на Олимпијадата се бејзболот и софтболот во 2005 година, а во програмата за Олимпијадата во Рио де Женеиро во 2016 година се вклучени голфот и рагбито.