1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

Одбележана 100 годишнината од албанската азбука

Централната манифестација по повод големиот јубилеј се одржа во Скопје во присуство на премиерите на Македонија, Албанија и Косово. Оценките се дека тоа е доказ на големата почит на македонската и албанската нација.

default

Никола Груевски и Сали Бериша

Македонскиот премиер Никола Груевски, на свеченостa која се одржа во домот на АРМ во Скопје, својот поздравен говор пред присутните го започна на албански јазик. Груевски ги претстави достигнувањата на Македонија на етнички план: отварањето на институтот за духовно и културно наследство на албанците, конзервација на куќата во Битола каде пред еден век се одржа првиот конгрес, театарот на албански јазик и универзитетската библиотека во Тетово и носењето на законот за јазиците. Груевски додаде дека меѓусебното единство, култура и толеранција, македонците и албанците во нивната заедничка држава ќе го зацврстат со целосно спроведување на Рамковниот договор.

Интеграцијата во ЕУ и НАТО заедничка цел

Тројцата премиери ја истакнаа нивната заложба за целосна интеграција во евро-атлантските структури. Премиерот на Албанија, Сали Бериша, на церемонијата изјави дека без конгресот во Битола, немало да се случи и конгресот во Валона, на кој била прогласена самостојноста на Албанија. Конгресот во Битола според него не бил само на албанската азбука, туку сеалбански конгрес, бидејќи на него биле собрани албанците од сите места каде живеат. Бериша притоа нагласи дека прославата во Македонија е доказ на голема воља и силна меѓусебна почит на двете нации, албанската и македонската, кои имаат долга историја на соработка и заеднички обиди за слобода и достоинство.

Hasim Tachi in Skopje

Никола Груевски и Хашим Тачи

Премиерот на Косово, Хашим тачи, на церемонијата изјави дека трите земји со меѓусебна помош побрзо ќе стигнат до заедничката цел, Европа. Со азбуката на битолскиот конгрес, според Тачи бил напишан и првиот документ на независно Косово.

Организацијата на историскиот настан за албанците, во организација на македонската влада почна во средата со научна конференција и трибина за јазичните различности.Куќата во Битола каде пред еден век е усвоено албанското писмо е реставрирана, а свечено е откриена и спомен плоча, сто години албанска азука. Македонска пошта по овој повод промовираше поштенска марка отпечатена во 25 илјади примероци.