1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Панорама

Објавени номинациите за „Оскар 2010“

Американската филмска академија денеска ги објави номинациите за престижната награда Оскар. Најмногу по девет номинации имаат филмовите „Аватар“ и „Харт Локер“.

default

„Аватар“ со девет номинации

Оваа година првпат во категоријата најдобар филм се номинирани десет филмски остварувања, меѓу кои според предвидувањата се најдоа „Аватар“, „Харт Локер“, „Неславни копилиња“ и анимираниот „Горе“.

Sandra Bullock in Die Vorahnung

Сандра Булок важи за фаворит во категоријата најдобра женска улога

Освојувачот на „Златен Глобус“ Џеф Бриџис за улогата во филмот „Лудо срце“, според критичарите е првиот избор во петорката која претендира за освојување на Оскарот за најдобра машка улога. Чекор зад него се Џорџ Клуни, Колин Фирт, Морган Фримен и Џереми Ренер.

Кај дамите, пак, главен фаворит е актерката Сандра Булок за нејзината улога во филмот „Слепата страна“, а друштво во оваа категорија и` прават Хелен Мирен, Кери Малиган, Габуреј Сидибе и Мерил Стрип.

Германскиот филм „Белата лента“ од Михаел Ханеке, кој веќе освои голем број интернационални филмски награди, годинава е номиниран во категоријата најдобар филм од странска продукција.

Водители на 82-то доделување на наградите Оскар ќе бидат актерите Стив Мартин и Алек Болдвин, а церемонијата на доделување на наградите ќе се одржи на 7 март во Кодак театарот во Лос Анџелес.

Автор: ТТ/СН/дпа/ројтерс

Редактор: Александра Трајковска