1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Панорама

Нуркање со таблет-компјутер

Игрите за деца добиваат поинаква димензија - подводна. Иновацијата од Германија оди во насока на развивање на подводна игра, за која е потребно користење на водоотпорен таблет-компјутер.

Тие се во научна мисија - Пија, Луис и Пер ја тестираат првата подводна игра со т.н. „зголемена реалност“. Таа беше развиена во институтот „Фрауенхофер“ во Санкт Аугустин кај Келн. Со водоотпорни таблет-компјутери децата одат во виртуелен лов на предмети, животни и растенија во еден дигитален подводен пејзаж.

„Да се отрстрани отпадот, да се фатат риби, да се најдат желки и такви работи“, објаснува што прави во базенот едно од момчињата.

Bildergalerie Deutschlands Schwimmhallen Frankfurt/Oder

За нуркањето со таблет се потребни пливачки вештини

На дното на базенот истражувачите инсталираа метални плочи. На нив се покажани различни морски пејзажи. Компјутерот се грижи за тоа децата да можат тродимензионално да гледаат и животните да можат да се движат. Децата потоа мораат привидно да ги ловат рибите. Искуството со техниката на водоотпорни таблети е новина во светот.

„Забележливо е дека уредите се водоотпорни. А, техниката во нашиот секојдневен живот и така и така е навлезена. Секому ова му е познато - таблет на каучот, телефон в рака и конзола за игри во плакарот. Во подводниот свет техниката сѐ уште не се користи толку многу. Се прават први чекори. Ние сме едни од тие кои ги прават првите чекори и сме први во областа на игрите“, објаснува Лајф Оперман, кој е раководител на проектот.

Ова ќе се тестира цела недела. Околу 40 деца можат да учествуваат. Пријавени беа двојно повеќе. Играта трае околу 20 минути. Пер и Луис веќе ги решија сите задачи, а Пија е кон финишот. По играта, истражувачите сакаат да дознаат од децата дали сѐ функционирало, што би можело подобро да се направи и дали таа ним им се допаднала.

Symbolbild Kinder Bücher Tablet PC lernen Schule

Децата во скора иднина нема да ги користат таблетите само за играње игри на суво, туку и за под вода

„Ова е многу забавно“, вели едно од момчињата.

„Сметам дека е кул, бидејќи ова е нешто поразлично од само играње со некој таблет“, вели другото момче.

„Ова е вистински забавно“, додава девојчето.

Целта на истражувачите е да го завршат комплетниот подводен пејзаж во базен, за потоа да се истражува со таблет-компјутерот. Технички се чини дека ова наскоро ќе биде можно.