Нови разговори за Грција | Економија | DW | 26.11.2012
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Економија

Нови разговори за Грција

Меѓународните кредитори денеска (26.11) на нова средба ќе се обидат да изнајдат излез од пат-позицијата во која се најдоа со помошта за Грција. Атина се‘ уште ги чека ветените пари

Министрите за финансии на 17-те земји од еврозоната, претставниците на ММФ и на Европската централна банк, денеска на средба во Брисел повторно ќе се обидат да се договорат околу обезбедувањето на ветената следна транша помош за Грција во вредност од 44 милијарди евра.

Грција ги донесе сите реформи кои се бараа од земјата за да ги исполни условите за помошта, но проблемите кај меѓународните кредитори се јавија откако беше пресметано дека на земјата ќе и‘ требаат и нови, дополнителни средства, поради најавеното продолжување на роковите.

Германија и Европската централна банка се спротивставуваат на предлозите за ново бришење на дел од грчкиот долг, на што инсистира ММФ.

Грција веќе неколку месеци чека да добие транша од финансиската помош затоа што и недостасува готовина и состојбата може да доведе до банкрот.

Еврогрупата викендов одржа и телефонска конференција на која биле формулирани предлози за технички аспекти за стабилизирањето на грчкиот долг на среден рок.

Поврзана содржина