1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Економија

Новите пакувања ќе донесат нови цени?

Чоколадо во пакување од 90 грама, млеко од 850 милилитри - ЕУ ги укина одредбите за големината на пакувањето на производите. Целата е прилагодување кон потребите на потрошувачите, но се стравува од прикриени поскапувања.

default

Укинувањето на единствената големина на пакување за одредени производи, на производителите им отвора можност за иновации и идеи, а со тоа индустријата може пофлексибилно да одговори на потребите на потрошувачите. На пример, едно семејство може да избере да си купи поголемо пакување од некој производ, а друго да се реши за помалото пакување. Вака ја аргументираат најновата одлука земјите членки на ЕУ и индустријата. Исто така се тврди дека на овој начин се отстрануваат и многу трговски пречки за увоз и извоз.

Lebensmittelpreise in Deutschland steigen

Повеќе работа за пазарната инспекција

Новиот начин на пакување за потрошувачите значи дека во иднина би требало повеќе да внимаваат при купување, предупредуваат експертите. Во продавниците и понатаму покрај цените за спакуван производ мора да биде наведена неговата цена по килограм или сто грама, за потрошувачите да можат лесно да ја направат споредбата. Надлежните министерства во земјите членки во ЕУ сметаат дека ова нема да предизвика хаос во продавниците. Но, здруженијата за заштита на потрошувачите стравуваат дека производителите ќе ги искористат новите правила за прикриено да ги зголемат цените. Односно, цената на еден производ ќе остане иста, но пакувањето ќе биде помало. Тие исто така предупредуваат дека новите правила ќе значат повеќе работа за ионака преоптоварените пазарни инспектори.

Новите одредби за слободно утврдување на големината на пакувањата пред се’ се однесуваат на пиво, млеко, минерална вода, сокови, шеќер, чоколадо и какао.

Автор: Ален Леговиќ/Невена Георгиевски

Редактор: Невена Георгиевски



DW.COM