1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

Нова „чистка“ во владиниот кабинет?

Реконструкција нема да има, но оставки на министрите се очекуваат - е моделот за нови смени во владата што премиерот Груевски го избра и пред два месеца, кога смени четворица министри. Следни ротации се очекуваат во ДУИ.

default

Владиниот кабинет, јули 2008

Иако македонскиот премиер Никола Груевски велеше дека не планира и септемвриска рунда промени во својот кабинет, тој не исклучува тоа да се случи, откако Демократската унија за интеграција, коалицискиот партнер, сепак направи проценка на владеењето на кабинетот на Груевски и за работата на своите министри.

Во вторитот бран промени, најверојатно ќе замине министерот за правда Михајло Маневски од редовите на ВМРО-ДПМНЕ. Тој е на удар од домашната опозиција и критиките од Брисел за мешање на извршната власт во независноста на судството, и неквалитетна примена на донесените закони во оваа област.

Mazedonien hat Kosovo als unabhängigen Sttat anerkannt

Кои министри од ДУИ ќе ја напуштат владата?

На ред непродуктивните министри од ДУИ

До крајот на месецот се очекува „чистка“ да ги зафати и министрите од ДУИ, за кои лидерот Али Ахмети и партискиот врв оцениле дека се непродуктивни. Сигурно е заминувањето на министрите за труд и екологија, Џелал Бајрами и Реџеп Јакупи. Не е исклучено од владата да биде повлечен и вицепремиерот за Рамковен договор, Абдулаким Адеми, кого опозицијата го критикува за бавната регрутација на Албанците во државната администрација. Адеми одбегнуваше соочување во парламентот со опозицијата од Демократската партија на Албаниците и Нова демократија. Лидерот на ДПА, Мендух Тачи, вчера (01.09.2009) одново ја критикуваше владината политика и пред се‘ учеството на ДУИ околу признавањето и воспоставувањето редовни дипломатски односи со Косово.

„Оваа влада веќе направи непријатели од сите наши соседи, почнувајќи од Грција, Бугарија, Косово и понатаму. Мислам дека голема грешка на Владата на Македонија е што не се искористува пријателскиот однос што Република Косово го има кон Македонија “, изјави Тачи.

При можната нова реконструкција на владата најверојатно ќе биде зафатен и Фатмир Бесими од економија, кој е во директен судир со вицепремиерот Ставревски, во спорот на владата со австриските инвеститори во ЕВН. Бесими учествуваше во продажбата на Електродистрибуција во време на владата на СДСМ и застана во одбрана на австриската мултинационална компанија.

Груевски очекува интриги и манипулации

Mazedonischer Ministerpräsident Nikola Gruevski

Груевски критикуван од опозицијата

Премиерот Груевски е цел на остри критики и на опозицијата околу економската политика. На можниот повик на лидерот на СДСМ, Бранко Црвенковски, за граѓански отпор во уривањето на владата, тој одговори:

„Доколку не ги променил реториката и она што го пласира, не очекувам дека ја променил и методологијата за да се обиде да сруши една власт и да дојде тој на власт, така што секаков вид на интриги, манипулации и подместувања, организирања штрајкови и протести и така натаму, ги очекувам од негова страна и тоа е дел од неговиот начин на работа“, изјави премиерот Груевски, по враќањето од Канада, време во кое опозицијата изведе канонада на критики за неговото владеење.

Автор: Александар Чомовски

Редактор: Жана Ацеска