1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Нова резолуција на ОН за Иран в сабота?

Ни новата преговарачка рунда на петте членки на Советот за безбедност на ОН со право на вето и на Германија не донесе согласност околу текстот за нова резолуција за Иран.

Со отстапки до нова резолуција: Кондолиза Рајс

Со отстапки до нова резолуција: Кондолиза Рајс

Нацрт-резолуцијата, поднесен од Франција и Велика Британија, бара од сите земји да забранат испорака на материјали и технологија на Иран, кои би можеле да бидат применети во неговата атомска програма. На барање од Русија и Кина е отфрлена забрана за патувања за ирански атомски експерти.

Со санкциите околу кои се води расправа меѓународната заедница сака да постигне Иран да ја запре постапката на облагородување на ураниум. САД искажуваат сомневања дека таа земја всушност развива атомско оружје. Рускиот амбасадор во ОН Виталиј Чуркин искажа надеж дека и последните разлики би можеле да бидат отстранети до утре. Американскиот министер за надворешни работи Кондолиза Рајс сигнализира готовност за натамошни отстапки во насока кон забелешките од Москва за да не се загрози усвојувањето на резолуцијата. Според Рајс, резолуцијата треба на Иран да му ја пренесе пораката дека не може да ја победи меѓународната заедница.