1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Неуспешен контра-пуч во Мали

Лојалистите на соборениот претседател на Мали во текот на ноќта се обиделе да ја вратат власта во земјата, но биле поразени.

Воената хунта во Мали успеала да се одржи на власт во текот на ноќта, одбивајќи го обидот на лојалистите на поранешниот претседател Амаду Тумани Туре повторно да ја преземат контролата во земјата. Во текот на ноќта дошло до жестоки судири на повеќе точки во главниот град Бамако, откако лојалистите се обиделе да ги освојат аеродромот и зградите на државното радио и телевизија.

Претставници на воената хунта кои преку пуч ја презедоа власта на 22. март годинава, соопштија дека го одбиле нападот и дека го контролираат градот. За нападите тие обвинија „странски платеници и трупи“.

Агенциите јавуваат дека во главниот град владее конфузија, а според странски дипломати, лојалистите на соборениот претседател се‘ уште не се совладани.

Нема податоци за бројот на жртви или повредени во судирите.

Под меѓународен притисок, хунтата се согласи да предаде дел од власта кон средината на април, кога за премиер беше именуван поранешниот парламентарен спикер Дионконда Траоре. Но земјата е пред опасност од целосен распад, откако внатрешните превирања беа искористени од исламистите и бунтовниците од племето Туарег да ја преземат контролата врз северниот дел од Мали.