1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Панорама

Несреќи поради алкохол

Стапката на учество на младите лица во тешките сообраќајни е посебно голема. Речиси секогаш улога игра алкохолот. Последиците од тоа им се презентираат на младите луѓе во училиштата во рамки на еден полициски проект.

Несреќите што ги доживуваат млади луѓе во утринските часови на викендите, најчесто под дејство на алкохол, полицијата ги означува како диско-сообраќајки. Фабијан Хагеман преживеа таква несреќа. Неговиот најдобар пријател Доминик и уште тројца младинци загинаа.

„Сфатив дека постапував лекомислено, но добив уште една шанса и сакам да ја искористам за да дејствувам превентивно, да им пренесам на други млади луѓе дека со задоволство би сакал да ги поштедам од работите што ми се случија мене - такви тешки несреќи, трауматски ситуации“, објаснува Фабијан Хагеман, преживеан од диско-сообраќајка.

Лани во сообраќајки под влијание на алкохол загинаа 400 луѓе. Поради тоа Фабијан се ангажира во проект на полицијата од Северна Рајна Вестфалија. Тој предупредува со драстични филмови и вистински приказни.

„По две-три минути, кога ќе бидат прикажани првите секвенци, ќе настапи апсолутна тишина. Ова уште еднаш го обработуваме и во училиштата и постојано сознаваме дека потоа сериозно се замислуваат“, вели Мартин Полман, од полицијата во Косфелд.

Фабијан започнува да раскажува за несреќата: „И, веќе почна. Возачот поаѓа од паркингот со квичење на гумите и ја пушта музиката до крај“. Фабијан и другите не забележуваат дека возачот е пијан. Вози 180 на спореден пат.

Symboblbild Unfall Freitag den 13 dreizehnten

Учениците дознаваат за последиците од преживеан во сообраќајна несреќа

„Единственото на што се’ уште можам да се сетам е дека излетавме од коловозот и во ровот налетавме на дрво. Ја истргнав раката угоре, но предоцна“, раскажува Фабијан Хагеман, преживеан од диско-сообраќајка.

Возачот и двајца младинци загинаа на лице место, а четвртата жртва им подлегна на повредите наредниот ден. Фабијан и уште еден сопатник одвај преживеаја. На овој креш-курс учениците се видливо шокирани.

„Ова беше многу поучно и интересно. Многу ќе влијае врз моето возење“, вели Артур, 19-годишен ученик.

„Долго време веројатно нема да се впуштам во вакво нешто, да се качам во автомобил ако луѓето пиеле“, вели 18-годишната Лара.

По четири недели следува наредниот креш-курс. Тогаш Фабијан повторно ќе раскажува за последната вечер со неговиот најдобар пријател.