1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

Нема електронско гласање на претстојните избори

Лидерите на политичките партии се договорија на наредните претседателски и локални избори да не се применува електронското гласање. Како можен термин за изборите го посочија 22. март.

default

Македонскиот претседател Бранко Црвенковски: за неговиот наследник нема да се гласа по електронски пат

На денешната лидерска средба постигната е согласност новиот систем на електронско гласање да се остави за некои од наредните избори. Иницијативата на владата наиде на отпор од опозицискиот СДСМ, чии претставници сметаат дека нема доволно време за воведување на новиот систем. Освен тоа во некои земји, каде што тој веќе се практикува, се покажале и недостатоци на системот. Сугестијата на СДСМ наиде на прифаќање од владеачката ВМРО-ДПМНЕ, како и на претставниците од другите партии застапени на средбата.

Тие исто така се договорија за скорешно формирање Комисија за лустрација, која ќе се погрижи на наредните избори да не се појават кандидати кои биле соработници на тајните служби. Претседателството на Комисијата ќе се ротира секои шест месеци, а првиот претседател ќе го даде опозицијата.

Премиерот Никола Груевски по средбата најави дека неговата влада ќе ја прекине медиумската кампања во своја полза веднаш штом изборите ќе бидат и формално распишани. Владата ќе го стори тоа како џентлменски потег, иако не е законски обврзана на тоа.

Повеќе детали за заклучоците од средбата, во аудио-прилогот на Александар Чомовски.