На Хималаите загинаа најмалку деветмина планинари | Свет | DW | 23.09.2012
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

На Хималаите загинаа најмалку деветмина планинари

Во лавината на планинскиот врв Манаслу во Непал загинаа најмалку деветмина планинари, меѓу кои и еден Германец. Како исчезнати се водат уште најмалку четири лица.

Меѓу деветтемина загинати има и водич од Непал. Останатите лица кои го загубија животот во лавината на планинскиот врв Манаслу, кој е осми по височина во светот, се‘ уште не се идентификувани. Тринаесетмина планинари, меѓу кои и двајца Германци, тројца Французи и еден Непалец, се спасени. Тие се префрлени со хеликоптер во болница во Катманду. Дел од групата планинари, составена од над дваесет луѓе, биле повеќемина Европејци, меѓу нив и Италијанци. Се‘ уште не е утврден точниот број планинари и нивната националност.

Портпаролот на полицијата Басанта Бахадур Кувар изјави дека временските услови се екстремно лоши и дека акцијата за спасување на исчезнатите морала да биде привремено прекината. Планинарите во моментот на лавината се наоѓале на височина од седум илјади метри. Врвот Манаслу инаку е висок 8136 метри. Во Непал сега почнува есенската сезона на искачување на Хималаите.