1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

„Најавите на Обама се победа за Сноуден“

Барак Обама најави поголема транспарентност и ограничување на активностите за собирање на податоци на тајните служби на САД. Реформи кои немаше да се случат без Ед Сноуден, смета основачот на Викиликс, Џулијан Асанж.

default

Assange

Основачот на Викиликс Џулијан Асанж ја оцени како извесна победа за Едвард Сноуден најавата на американскиот претседател Барак Обама за поголема транспарентност и за реформи на американските програми за шпионирање.

„Барак Обама ја потврди улогата на Сноуден како информатор, објавувајќи план за реформа на американската програма за глобално шпионирање“, изјави Асанж. „Тоа е до извесен степен победа за Сноуден и за неговите поддржувачи“, додаде тој.

Russland Symbolbild Asyl Edward Snowden

Сноуден доби привремен азил во Русија

Според него, „факт е дека без обелоденувањето од Сноуден, никој немаше да знае за тие програми и немаше да има реформи“, објави Асанж на интернет страницата на Викиликс.

Најголема грижа на Сноуден била, дека неговите откритија би можеле да останат без ефекти, појасни Асанж. Сека се навестуваат реформи и претседателот како и народот на САД и другите народи на светот му должат благодарност и признание на Сноуден.

САД бараат израчување на Асанж и Сноуден

Џулијан Асанж повеќе од една година се наоѓа во амбасадата на Еквадор во Лондон. Тој стравува дека истрагата против него поради наводно силување во Шведска може да доведе до негово израчување на САД каде тој се обвинува поради објавување на тајни американски документи.

Ед Сноуден доби привремен азил во Русија, откако повеќе недели престојуваше во транзит зоната на московскиот аеродром Шереметјево. Владата на САД бара и тој да ѝ биде израчен.