1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Напад со моторцикл -бомба во Авганистан

Атентатор самоубиец во Авганистан со себе во смрт однесе повеќе војници на НАТО. Тој го насочил својот моторцикл-бомба во една патрола.

Најмалку 15 лица се загинати, од кои тројца војници на НАТО, а 53 лица, претежно цивили, се ранети во самоубиствениот напад во Кост, административниот центар на истоимената покраина во источен Авганистан.

Како што пренесува авганистанската новинска агенција Pajhwok, одговорноста за нападот врз колоната од авганистански и американски воени возила ја преземаа талибанските бунтовници.

Портпаролот на талибаните во Авганистан, Забиулах Муџахид за агенцијата го идентификувал бомбашот самоубиец како Шоаиб Кундузи, припадник на  ова бунтовничко движење коешто беше соборено од власта со интервенцијата на меѓународната коалиција во 2001. година.

Муџахид додал дека по експлозијата војниците на НАТО во пукотниците убиле двајца цивили и раниле неколкумина други. Но за ова тврдење нема потврда од независен извор. Канцеларијата на гувернерот на покраината Кост објави дека покрај тројцата војници на НАТО, загинале и дванаесет Авганистанци, од кои шест се цивили и шестмина полицајци, меѓу кои и командантот на локалата единица за брзи интервенции, полковникот Мубарак Шах.  Во нападот загинал и авганистанскиот преведувач.

Според вообичаената практика не е објавено од која националност се загинатите странски војници припадници на мисијата ИСАФ, меѓутоа најголемиот број од меѓународните сили на НАТО во оваа провинција се американски војници. И покрај 11-годишнто присуство меѓународната коалиција сe‘ уште не може целосно да ги порази бунтовничките герилски групи, коишто последната година се особено активни во јужниот и источниот дел од Авганистан.