1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Економија

Микрокредити за спас од сиромаштијата

Идејата за сопствен бизнис е тука, но како да се дојде до почетен капитал? Во главниот град на Непал, Катманду, работи организацијата „Мануши“, со цел е да доделува кредити исклучиво на жени. Како оди бизнисот?

default

Голем број од жените во Непал се сиромашни и необразовани

Мајенти, Сабила и Сарала се три жени, кои живеат во различни делови на главниот град на Непал, Катманду. Нив ги поврзува една работа, сите се членки на „Мануши“. „Зборот ’Мануши’ е преземен од санскритот и значи ’силна жена’“, објаснува Амлика Прадан, заменик-претседател на организацијата. „Нашата организација е формирана во 1991 година, со цел да им помага на жените и да ги обучува кога се во прашање образованието и финансиите. Особено се концентрираме на жени, во кои немаат доверба ниту пријателите, ниту банките.“

Висината ка кредитите што ги доделува „Мануши“ изнесува меѓу 10 и 35 илјади непалски рупии, односно меѓу сто и 350 евра. Жените како Мајенти, Сабила и Сарала земаат микро-кредити од „Мануши“. Во седиштето на организацијата, со чај и колачиња, жените почнуваат да ги раскажуваат своите приказни. Мајенти почнува прва.

Продажба на чај....

Frau auf dem Reisfeld Nepal

Микрокредитите им отвораат на жените можност за заработка

„Јас и мојот сопруг продаваме чај. Рано наутро, откако ќе направам појадок и ќе ги испратам дацата на училиште, го пакувам чајот. Редовно продаваме по неколку вреќи на големо, го делиме чајот на помали порции и ги снабдуваме продавниците за прехранбени производи и оние специјализирани за чај. Испораката ја презема мажот ми. Не беше лесно на почеток, немаше кој да ни даде кредит. Затоа продававме само мали количини чај, а приходите од препродажбата беа скромни. Тогаш, во 1997 година, првпат зедов кредит и оттогаш тргна на поарно.“

Колку средства досега добиле во форма на кредит и како оди исплаќањето на ратите? „Првиот кредит изнесуваше околу триесет илјади рупии, значи околу триста евра. Сега зедов друг кредит од 35 илјади рупии. Исплаќањето не ни паѓа тешко, на крајот на краиштата, приходите ни се зголемија. Иако се случува по некој муштерија да не си ги подмири долговите кон нас, никогаш не сме имале проблем со враќањето на кредитот.“

Цвеќарница....

Frauenhandel in Indien

Поради сиромаштијата, повеќе од 200 илјади жени од Непал завршуваат како бело робје во Индија

Сабила Дангол, пак, зела помала сума кредит, со цел да отвори сопствена продавница за цвеќе. Овој бизнис е доста нов во Непал, што значи дека идејата на Сабила е целосно во чекор со трендот. „Започнав со десет илјади рупии, за да ја отворам продавницата. Во меѓувреме имам и неколку вработени. Продолжив да инвестирам, во моментов отплаќам кредит од 25 илјади рупии. Работиме заедно со сопругот, тој е задолжен за остварување на бизнис-контактите, за да можеме да продолжиме да се прошируваме.“

На наредната страница ќе прочитата зошто микрокредитите им се доделуваат само на жени