1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Економија

Мигрантите-поголеми бизнисмени од Германците

Луѓето со странско потекло кои живеат во Германија многу почесто стануваат самостојни претприемачи, отколку што тоа го прават самите Германци. Најголемиот дел од претприемачите со години го сочинуваат Турците.

Blick in einen Dönerstand am Dienstag (05.09.2006) in München. In Bayern wurden in Tiefkühlhäusern tonnenweise eingelagertes Dönerfleisch gefunden dessen Haltbarkeitsdatum weit überschritten war. Foto: Frank Mächler dpa/lby +++(c) dpa - Report+++

Сендвичара за турски донер

Во изминатите три и пол години околу 7 проценти од вкупно 15 милиони луѓе со странско потекло основале сопствена фирма. Ова го покажа студија на Институтот за истражување на пазарот на труд и различните професии, накратко ИАБ. Само за споредба: кај Германците без странско потекло оваа бројка изнесува помалку од пет проценти. Странските претприемачи особено се раширени во услужната дејност, вели професорката Елизабет Милер од Високото училиште за финасии и менаџмент од Франкфурт. Таа е главниот научник во најновата студија што беше објавена неодамна, а се правеше по налог на Центарот за европско истражување на стопанството (ЗЕВ): „Факт е дека мигрантите се осамостојуваат пред се’ во гастрономијата и трговијата. Таков е случајот на пример со италијанскиот ресторан од соседството или пак сендвичарите за донер и малата продавничка за прехранбени производи зад аголот”, објаснува Милер.

Една од причините поради што мигрантите се осамостојуваат е невработеноста

Стапката на невработени кај мигрантите е многу поголема, отколку кај германските државјани. „Генерално невработеноста кај мигрантите е повисока и затоа поголемиот број од сопствениците на фирмите се невработени лица. Но, притоа мора да се каже дека фирмите од невработените не се толку успешни, како оние на лица што веќе работат”.

Pizza-maker Gennaro Bruno prepares pizzas in a restaurant in Naples, southern Italy, Wednesday, May 26, 2004. Italy has issued strict guidelines to protect the real Neapolitan pizza from bogus copies. The guidelines, printed Tuesday in the country's Official Gazette, say real Neapolitan pizza must be round, no more than 14 inches in diameter, no thicker than 0.1 inches in the middle, with a crust about 0.8 inches thick. (AP Photo/Salvatore Laporta)

Италијанскиот ресторан од соседството

Наталиа Шварц е Шпанка и никогаш не била невработена. Таа пред 20 години дошла во Германија и отворила своја кројачница. Како домаќинка и мајка сакала повторно да работи. Со оглед на тоа што била кројачка по професија се одлучила да го направи големиот чекор со сопствен бизнис. На почетокот соседите и пријателите ја советувале да се откаже, бидејќи ризикот со сопствен дуќан е многу голем. Меѓутоа, кројачките во тоа време биле барани. И до ден денес тоа не се сменило и покрај тоа што луѓето многу повеќе внимаваат на тоа за што ги даваат парите, вели Наталиа. Имено, шиењето и кроењето се работат рачно. А, тоа, пак, има своја цена: “Пред 5,6,7 години работата во дуќанот одеше добро, потоа почна се’ повеќе да се намалува. Работам сама, понекогаш ми помагаат и децата. Ова е семеен бизнис. Јас сакам многу да шијам, затоа и работам.”

Германските граѓани, што се однесува до сопствен бизнис, се песимисти

Германците не сакаат да влегуваат во ризици за разлика од граѓаните од другите земји. Мигрантите многу често имаат пријатели кои веќе се самостојни претприемачи или како во случајот со Наталиа им помага семејството во бизнисот. Само мал број мигранти во Германија работат професии каде се бара поинтензиво знаење. Како на пример, во информатичката бранша, правото и медиумите, вели професорката Елизабет Милер: „Ова е така, бидејќи успехот на мигрантите од завршеното училиште или студиите е многу полош. Тоа значи, дека квотата на мигранти со академска квалификација е речиси двојно помал од онаа кај Германците”.

Заболекарот Мехди Тагдиши студирал во Германија. Веќе осум години тој има своја стоматолошка ординација. Секој почеток, вели Мехди, инаку Ирачанец по потекло, е тежок, но за странците е особено тежок. Тие не само што треба да ги надминат јазичните бариери, туку и менталитетот игра важна улога во оваа професија. Понекогаш има и предрасуди, вели Тагдиши: „Кога ја презедов ординацијата околу една четвртина или една третина од пациентите си заминаа уште пред да се уверат во моите способности. Но, со текот на времето истите пациенти се вратија. Тие слушнале од родинините или соседите дека и јас можам добро да работам, како и германскиот колега и решија да се вратат”.

In der Arbeitsagentur in Halle/Saale stehen am Montag (28.02.2005) viele Menschen vor einem Anmeldeschalter in einer langen Schlange. Am Dienstag (01.03.2005) wird die Bundesagentur für Arbeit (BA) in Nürnberg zum zweiten Mal in Folge mit vermutlich 5,2 Millionen Arbeitslosen einen Negativ-Rekord verkünden müssen. Eine durchgreifende Besserung am Arbeitsmarkt ist in Deutschland nicht in Sicht. Foto: Waltraud Grubitzsch dpa/lsn +++(c) dpa - Report+++

Една од причините поради што мигрантите се осамостојуваат е невработеноста

Голем број мигранти со само мал почетен капитал одлучуваат да се осамостојат

Но, како што покажуваат некои истражувања, банките се малку скептични доколку се работи за финасирање на некоја донер-сендвичара или некаков друг мал бизнис. За отворање на стоматолошка ординација работата е поинаква, потврдува доктор Тагдиши: „Во Германија се’ е регулирано така, банките да учествуваат во се', затоа што знаат дека мојата професија е сигурна и ризикот е мал”. Во Германија по турската, најголема мигрантска заедница се италијанската и полската. Според податоци на турско-германската стопанска комора во Келн, има околу 70.000 претприемачи со турско потекло во Германија, кои според проценките отвориле 260.000 нови работни места.

Автор: Моника Ломилер / Бисера Огњановска Митров

Редактор: Жана Ацеска