1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Студирање во Германија

Меѓународни студии за медиуми

Академијата на Дојче веле во соработка со Универзитетот во Бон и високошколскиот центар Бон-Рајн Зиг нудат единствена можност за практично и теоретско студирање во областа на медиумите.

default

На Академијата на Дојче веле студентите имаат можност да се стекнат со потребните знаења за новинарската професија - како да се дојде до информации, да се воспостави комуникација и сл.

Постдипломските (мастер) студии се можност за доусовршување, подготовка за идните професионални предизвици и преземање на одговорни и водечки функции во медиумите.

Главна карактеристика на студиите на Академијата на Дојче веле се интердисциплинарност, интернационалност и транспарентна структура на студирање. Фокусот на постдипломските студии е во спојот меѓу комуниколошките, социолошките, педагошките и економските науки.

ims master

Потребни предквалификации за мастер студиите се успешно завршени студии (факултетска диплома) и најмалку едногодишно новинарско искуство.

Со оглед дека предавањата на мастер студиите се одвиваат на германски и на англиски јазик, потребен е доказ и за познавање на овие два јазика.

Притоа, се признаваат само дипломи на реномираните институции кои нудат тестови за познавање на јазици, како на пример Гете институтот (Goethe Institut) или Британскиот совет (Britisch Council).

На крајот на студиите се добива диплома Master of Arts. Студирањето трае 18 месеци (четири семестри). Рокот за пријавување за зимскиот семестар 2010/2011е во тек и трае до 30 април 2010 година.

Автор: ДВ

WWW-линкови