1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

Месиќ и Тадиќ испратија сочувства по смртта на Глигоров

Поранешниот хрватски претседател Месиќ оцени дека Глигоров бил еден од ретките политичари на Балканот кој знаел да ги брани државни интереси избегнувајќи го национализмот

default

Стипе Месиќ

Заминувањето на Киро Глигоров е загуба не само за Македонија, туку и за целиот регион, вели поранешниот хрватски претседател Стипе Месиќ во телеграмата со сочувство испратена до македонскиот претседател Ѓорге Иванов.

„Киро Глигоров ќе биде запаметен како еден од ретките политичари и државници од овие простори кој знаеше да ги препознае, застапува и брани интересите на својата нација, а притоа и успешно да го избегне екстремниот национализам“, пишува Месиќ во телеграмата.

Месиќ го спомнува Глигоров и како голем пријател.

„Секогаш ми беше драго да се сретнам со него и да разменам мислење, било за билатерални прашања, било за регионот, било за приликите на меѓународната сцена. Тој беше искрено посветен на зајакнување на македонско-хрватските односи, како и за стабилизација на целиот регион“, вели Месиќ.

Телеграма со сочуство испрати и актуелниот српски претседател Борис Тадиќ.

Автор: БГ/миа

Редактор: Александра Трајковска