1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Меркел и Саркози предлагаат економска влада за еврозоната

Тие што очекуваа многу од француско-германскиот самит во Париз, беа предупредени дека не треба да очекуваат ништо „спектакуларно“. Состанокот донесе само неколку предлози за подобро економско управување на еврозоната.

default

Претседателот Никола Саркози и канцеларката Ангела Меркел на вчерашниот француско-германски самит кој се одржа во Елисејската палата се заложија за серија на предлози за зголемување на координацијата на екононските и финансиските политики во евро зоната.
Меркел и Саркози најавија дека двете земји предлагаат создавање на економска влада на еврозоната, во која би членувале сите шефови на држави и влади на земјите членки на еврозоната, која би се состанувала најмалку два пати годишно, со стабилен претседател со две и пол годишен мандат. За нејзин претседател, тие го предлагаат Херман Ван Ромпој.

Француско-германската двојка предлага сите 17 земји-членки на еврозоната најдоцна за една година да го усвојат таканареченото „златно правило“ за враќање на буџетската рамнотежа и намалување на буџетскиот дефицит. Правилото веќе важи во Германија, а Саркози се надева да го наметне и во Франција.

Париз и Берлин во септември планираат на европско ниво да предложат и воведување на такса за финасиските трансакции.

Околу еврообврзниците, Саркози и Меркел сметаат дека има шанси за нив да се размислува подоцна. Тие во моментов би ги ставиле во опасност стабилните земји на еврозоната.

NO FLASH Nicolas Sarkozy und Angela Merkel in Paris

Меркел и Саркози - капетани на европскиот брод?

Важни политички одлуки - сметаат француските коментатори

Францускиот печат се сомнева дека донесените одлуки ќе ги смират финансиските пазари. „Либерасион“ зборува за „минимален самит“, жалејќи што идејата за воведување на еврообврзници е оставена настрана. Во регионалниот печат коментарите се многу остри. Весникот „Алзас“ смета дека идејата Ван Ромпој да биде претседател на економската влада нема да ги смири пазарите. Слично размислува „Парис-Нормандија“ и „Суд Уест“.

Париски „Фигаро“ е единствениот исклучок, тој смета дека Саркози и Меркел покажале дека за време на летната бура, има капитен на кормилото на евро зоната. Не само еден туку двајца!

Оливие Мазрол од БФМ ТВ анализира: „Француско-германската усогласеност изразена преку Ангела Меркел и Никола Саркози, е потврдена со неколкуте најавени мерки и посебно со определбата дека двете земји при подготовките на буџетите ќе напредуваат во иста насока. Исто како и изразената определба на двете земји да се постигне поголема економска интерграција на евро зоната, треба да се кажи дека таа економска интеграција се прави според генрманската метода, односно дека буџетската урамнотеженост дозволува економски пораст.“

За европските и француски реакции, прочитајте на втората страница.

DW.COM