1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

„Марш на вистината“: Опозицијата бара предвремени избори

Под мотото „Отпор против режимските лаги", СДСМ и дел од опозициските партии денеска во Скопје организираа мирен протестен „Марш за вистината".

Опозицијата денеска го одржа „Маршот за вистината“, кој почна напладне пред платото спроти телевизијата Сител, продолжи пред Владата, Собранието на Македонија и заврши пред зградата на МРТВ.

Branko Crvenkovski, SDSM Parteichef, Skopje, Mazedonien

Лидерот на СДСМ Бранко Црвенковски

Лидерот на СДСМ Бранко Црвенковски се обрати пред објектот на националниот радиодифузен јавен сервис, со зборовите дека „црниот понеделник и случувањата од 24 декември во Собранието е најголемиот срам за Македонија“ и оти единствено решение за настаната криза се нови парламентарни избори. Протестот започна и заврши пред Сител и МРТВ, за кои нагласи, народот го информираат со лаги, правејќи со тоа криминал. „За ваквиот криминал во МРТВ ќе одговараат кога ќе падне оваа власт“, рече Црвенковски.

Пред учесниците на маршот, меѓу другите, се обрати и лидерот на ВМРО-НП и поранешен премиер Љубчо Георгиевски, кој оцени дека слободата и демократијата се загрозени и дека принципите на ЕУ, кон која, како што рече, треба да се стремиме, се уништуваат.

Волерс бара надминување на ситуацијата

Paul Wohlers

Амбасадорот Пол Волерс

Американскиот амбасадор во Македонија побара власта и опозицијата да работат на надминувањето на ситуацијата.

„Мислиме дека Собранието е местото за дебатирање на отворените прашања. Не мислиме дека бојкотот од било која партија е корисен. Тоа го велиме со години кога имало бојкоти од други партии, дека не е многу корисна тактика. Партиите треба да работат да изнајдат начин како да го надминат ова. Условите во Собранието треба да бидат отворени и транспарентни, партиите да имаат можност слободно да ги дискутираат прашањата. Мислам дека и опозицијата и власта треба да работат на надминување на ситуацијата“, рече амбасадорот Волерс и дополни дека САД ќе бидат вклучени во мониторирањето на престојните локални избори.