1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Панорама

Марк Закерберг и Лејди Гага на листата на „Форбс“ на најуспешни луѓе

Американското списание „Форбс“ објави листа на најуспешните луѓе во светот помлади од 30 години. На неа има многу познати „фаци“, но и многу млади луѓе кои не се толку познати на пошироката јавност.

default

Марк Закерберг

Основачот на социјалната мрежа „Фејсбук“, Марк Закерберг, активистот за заштита на човековите права Ронан Фароу, американската поп ѕвезда Лејди Гага и 17-годишниот канадски пејач Џастин Бибер се на листата на списанието „Форбс“ на најуспешни луѓе под 30 години.

63. Bambi Verleihung Wiesbaden Lady Gaga

Лејди Гага

Некои од имињата на листата се многу познати, други не се толку, но сме целосно уверени дека ќе слушнеме многу за нив во следната деценија, изјави уредникот на „Форбс“, Мајкл Ноер.

Списанието ги класифицираше 30-те најуспешни млади луѓе во 12 категории, од политиката, недвижнините и финансиите до забавната индустрија, науката и музиката.

Во категоријата политика и право листата ја предводи Ронан Фароу, син на култниот американски режисер Вуди Ален и холувудската ѕвезда Миа Фароу. Ронан е специјален советник на американскиот државен секретар Хилари Клинтон за прашањата за младите.

Во категоријата музика фигурираат британската пејачка Адел и познатите американски поп ѕвезди Кети Пери и Риана.

Автор: СН/ АТ/ миа

Редактор: Ж. Ацеска