1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Макрон како посредник во Саудиска Арабија

Францускиот претседател Емануел Макрон сака да помогне за деескалација во Заливот. По посетата на Дубаи, Макрон изненадувачки продолжи за Ријад.

Saudi-Arabien Riad Besuch Emmanuel Macron (picture-äalliance/AA/Saudi Royal Council/B. Algaloud)

Францускиот претседател Макрон и саудискиот принц Салман во Ријад

Во регионот на Персискиот Залив настаните се одвиваат со исклучително голема брзина. Конфликтот меѓу Саудиска Арабија и Иран се заострува. Истовремено, Ријад ги предупреди граѓаните да не патуваат во Либан, каде оставката на премиерот Саад ал Харири предизвика владина криза. Затоа францускиот претседател Емануел Макрон ја искористи својата одамна планирана посета на Обединетите Арапски Емирати и вчеравечер замина во куса посета на Саудиска Арабија. Пред летот од Дубаи за Ријад, Макрон нагласи дека одлуката да продолжи за Саудиска Арабија ја донесол неколку часа претходно.

Во главниот град на Саудиска Арабија францускиот претседател беше примен од принцот престолонаследник Мохамед бин Салман. На Твитер Макрон напиша дека дијалогот со партнерите служи за да се постигне траен мир.

Во текот на двочасовниот разговор со принцот станало збор за актуелната ситуација во Иран, Либан и Јемен. Саудиска Арабија со години со чувство на нелагодност набљудува како Иран го шири своето влијание во Заливот. Досега е нејасно каква улога игра земјата во актуелната владина криза во Либан. Премиерот на Либан, Саад ал Харири, во саботата изненадувачки од Саудиска Арабија соопшти дека се повлекува од функцијата и рече дека во Либан стравува за својот живот.

Saad Harir (REUTERS/M.Azakir)

Саад ал Харири се повлече од премиерската функција во Либан и не е јасно каде се наоѓа сега

Каде во моментов се наоѓа Харири е нејасно. Организацијата Хезболах во Либан, која соработува тесно со саудискиот ривал Иран, шири претпоставка дека Харири се држи во домашен притвор во Саудиска Арабија. Слични изјави за агенцијата Ројтерс дадоа и двајца високи владини претставници на Либан. Партијата на Харири претходно демантираше дека премиерот бил од страна на Саудиска Арабија принуден да даде оставка и дека е ставен во домашен притвор. И Саудиска Арабија демантира дека влијаела врз неговата одлука.

Макрон, чија земја поради историски причини има блиски односи со Либан, соопшти дека има неформален контакт со Харири. Меѓутоа, тој досега не изразил желба да патува за Франција, каде инаку живееше повеќе години и каде има второ живеалиште.

DW.COM