1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Теми

„Македонците се жешки како жежок зејтин“

Фанатизмот на македонските навивачи е својствен само за Балканот, оценува германскиот селектор Хојбергер во пресрет на решавачкиот дуел. Пораз на Германија ќе значи историски неуспех.

default

Кире Лазаров

Германската спортска јавност преокупирана со ракометни теми во пресрет на решавачкиот дуел на Европското првенство во Србија против Македонија. Водечките спортски медиуми ги анализираат слабостите и предностите на германскиот тим против Македонија, а интернет порталот на спортската телевизија „Спорт 1“ донесува и интервју со капитенот на македонските ракометари, Кире Лазаров. Се чини, германските медиуми повеќе се исплашени од македонските навивачи, отколку од ракометарите.

Поранешниот, долгогодишен селектор на германскиот тим Хајнер Бранд, со кој беше остварен и историскиот триумф на Светското првенство во 2007-та, вели дека Германија има сили да се врати по поразот од Чешка и да забележи победа против Македонија.

Германија има добри шанси против Македонија, затоа што македонската репрезентација потроши многу енергија во дуелот против Шведска, оцени Бранд.

Капитенот Паскал Хенс, кој разочара против Чесите, против македонскиот состав очекува уште потешка задача. И тој и германските медиуми особено ги потенцираат македонските навивачи.

„Мораме да излеземе од дупката. Против Македонија ќе биде многу тешко. Тоа мораме да си го прифатиме во главите“, вели Хенс.

EM Handball Screenshot Mazedonien

Македонските навивачи на интернет-страницата на германската државна телевизија

Фанатизам на трибините

„Македонците се жешки како жежок зејтин. Тоа е неверојатно“, изјави плејмејкерот Михаел Хас откако го одгледа дуелот Македонија-Шведска. „За нас ова ќе биде како меч на гостински терен и мораме да останеме ладнокрвни“, вели Хас, кому посебен впечаток му оставиле и македонските навивачи.

Навивачите се главна тема и за државната телевизија ЦетДеЕф која донесува и цела анализа под наслов „Македонската ракометна легија“. Освен што носат шлемови карактеристични за римските легионери, македонските навивачи прават неверојатна атмосфера, јавува дописникот на телевизијата од Ниш. Почетните стравувања дека може да дојде до некакви инциденти, не се оствариле, јавува тој натаму. Дури и Швеѓаните биле задоволни од атмосферата во салата за време на мечот.

„Во салата имаше прекрасна атмосфера, во ниту еден случај таа не беше непријателска. Тоа беше еден голем празник на ракометот“, ја пренесува ЦеДеЕф изјавата на шведскиот интернационалец Штефан Левгрен.

Атмосферата ја коментираше и селекторот Мартин Хојбергер.

„Мораме да бидеме подготвени за тоа. Ваков фанатизам на трибините, тоа го има само на Балканот. Но во тоа е и возбудата и предизвикот во играта“, вели Хојбергер.

Поразот- историски неуспех

Handball EM Europameisterschaft Tschechien gegen Deutschland Vorrunde Gruppe b Trainer Martin Heuberger

Селекторот на германската репрезентација Мартин Хојбергер

Во пресрет на дуелот се анализира и тактиката на германскиот тим. Речиси е извесно е дека одбраната ќе се врати во вообичаената формација 6-0, откако обидот да се игра поагресивна 5-1 формација не вроди со плод на дуелот со Чешка. Многу критики и за недостатокот на тимски дух кај Германците од поранешниот капитен Даниел Штефан. Тој смета дека ако се повтори играта против Чешка, Германија нема шанси за победа.

Капитенот Кире Лазаров во интервју за „Спорт 1“ и‘ ја препушта улогата на фаворит на Германија.

„Верувам во нас, но Германија е многу силна. Тие ја имаат најсилната лига во светот, а играчите се многу искусни. Ќе се обидеме да победиме, но ќе биде многу тешко. Како спортисти мораме да веруваме“, вели Лазаров.

Доколку Германија загуби од Македонија денеска, тоа ќе биде двоен историски неуспех за нивниот тим. За првпат во историјата една германска ракометна репрезентација нема да избори учество на Олимписките игри, а истовремено и за првпат ќе испадне уште во групната фаза на Европските првенства.

Автор: Борис Георгиевски/спорт1/ЦетДеЕф

Редактор: Ж. Ацеска