1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

Македонското вино ќе испадне од игра?

Поради заштитата на името „македонско“ од страна на Грција и во Германија не се знае дали и под кое име ќе се увезуваат вината од државата Македонија. Треба да се реагира најдоцна до 31 декември.

default

Ќе го има ли македонското вино на германскииот пазар?

Германците се мераклии на доброто вино. Особено ако не е скапо и ако може да се купи во обичен супермаркет. Ова е случајот со македонските: „Вранец”, „Розе”, или „Кадарка” кои ги има и во еден од најпознатите синџири супермаркети - „Алди“, а го задоволуваат и најделикатниот вкус. Но, дали и вгодина ќе се најдат на рафтовите не знаат ни винарите, ниту извозниците, а уште помалку потенцијалните купувачи.

Неизвесноста повторно ја наметна Грција која го заштити своето вино од регионот Македонија, со што е доведен во прашање пласманот на производите од државата

Grüne Woche Berlin

Македонските винари го привлекоа вниманието со својот штанд на Зелената недела во Берлин

Македонија. Согласно прописите на ЕУ за извоз на вино од трети земји, државите кои не се членки на Унијата до 31 декември се обврзани да ги пријават регионите со заштитено географско потекло. Тие пак, потоа се евидентираат во т.н. „Бахус листа” на земји кои имаат географска ознака на потекло на виното.

„Доколку после тој рок Македонија ја нема на таа листа, увозниците од Германија и другите земји ќе немаат право увезеното вино да го декларираат како вино со заштитено географско потекло, како што е случајот сега. Доколку ова се случи, во прашање ќе дојде целокупниот извоз на вино од Македонија во Германија и во ЕУ. Се работи за техничко прашање кое може да има несогледлива штета посебно за пазарот кој единствено функционира – германскиот.“, вели за Дојче Веле Кочо Моцан, раководител на „Технометал” ГМБх од Франкфурт на Мајна, кој пласира голем дел од македонското вино во Германија.

Како што кажуваат и другите извозници, работите дополнително ги искомплицирал новиот закон за вино, со кој се воведени и новите ознаки и регионализација. Согласно стариот Закон, земјата на потекло на виното во декларациите била ФИРОМ. Сега стои: „македонско квалитетно црвено вино” или „македонско квалитетно розе”.

Пет до дванаесет!

Оваа формулација „македонско” , со оглед што е заштитетна од Грција, го доведува во прашање комплетниот пласман на германскиот пазар за што еден од германските увозници, кој сака да остане анонимен, коментира:

„Ова е на највисоко политичко ниво... Ние сме мали луѓе и немаме никакво влијание. Сите македонски производители на вино се засегнати. Ова е европска одлука и Германија мора да ја почитува”.

30_09_2005_pz_wein.jpg

И додека македонските надлежни служби работата ја туркаат во Брисел, извозниците на вино овој ноември имаат голем притисок од купувачите во Германија. Тие реагираат на тоа што се’ уште не е извршена регистрацијата на македонското вино во Брисел. Времето изминува и треба да ги завршат подготовките за идната година околу амбалажата, печатењето на етикетите, договорањето на количествата со малопродажбата, за што Кочо Моцан вели дека сега е пет до дванаесет дополнувајќи дека реакциите на купувачите се многу сериозни. Тие укажуваат на тоа дека ако Македонија не го реши прашањето до 31 декември, ќе излезе дека доброволно се откажува во извозот на вино во Европската унија. Загриженоста на купувачите е голема, иако тие, ако се сопре увозот, можеби ќе имаат и штети, но виното ќе можат да го надоместат од други региони. Но, штетата за македонските производители и извозот би била неизмерлива. Доколку два - три месеца не се испорачува и извезува, македонското вино може да биде избришано од пазарите во ЕУ, особено од Германија.

Автор: Силвера Падори-Кленке

Редактор: Елизабета Милошевска Фиданоска

DW.COM