1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

Македонија позитивно ги изненади германските инвеститори

Предностите за инвестирање во Македонија кои владиниот тим, предводен од премиерот Груевски, ги презентираше на Бизнис форумот во Хамбург предизвика позитивни реакции кај германските учесници и потенцијални инвеститори.

„Од она што го слушнав денеска гледам дека Македонија е поинтересна отколку што сметав порано. Во основа се’ изгледа многу добро. Како поволности би ги одвоил исклучително позитивните вредности за инфлацијата, државното задолжување и дефицитот, кои се подобри и од многу земји во Западна Европа. За една земја која е толку длабоко во Југоисточна Европа и релативно непозната и за германските стопанственици, ова се изнандувачки добри вредности. Според она што сега го слушнав, а го имав и порано слушнато од други извори - состојбата и шансите се изнeнaдувачки позитивни“, изјави за ДВ д-р Хано Штокер, прв човек на Организацијата на германските претпријатија за Источна и Средна Европа, која заедно со Индустриската и трговска комора на Хамбург беше организатор на Бизнис форумот за промоција на Македонија.

На Форумот збор имаа македонскиот премиер Никола Груевски, вицепремиерот Владимир Пешевски, министерот без ресор Бил Павлески и првиот човек задолжен за индустриските зони Виктор Мизо.

Според д-р Хано Штокер кој ја предводи групацијата која има пристап до 10.000 герамнски претпријатија, и е присутна во 29 земји од Европа и Централна Азија, Македонија има многу предности кои го привлекуват вниманието на потенцијалните инвеститори.

Symbolbild - Sollbruchstelle

Евтината работна сила и квалитетот пресудни за германските инвеститори.



Предности и недостатоци

„Решавачка предност на Македонија се ниските производни трошоци. Во прва линија земјата е интересна и исклучително добри шанси имаат браншите, кои во голема мерка се врзани за мануелна работа. Македонија е интересна на пример за групацијата 'Дрекслмајер' која изработува електрокомпоненти за автомобилската индустрија односно различни видови кабли во кои има многу рачна работа. Евтиното производство е сигурно предност. Но, тоа не е се’. Германските претпријатија како позитивни ги оценуваат и квалификациите на работниците. Значи: не е во прашање само евтино, туку очигледно работниците се и добри. Освен за продуктивноста, на почетокот на годинава германските претпријатија дадоа позитивни оценки и за погодностите во оданочувањето“, подвлекува д-р Штокер.

Тој, меѓутоа, отворено кажува дека има и недостатоци на кои треба да се работи - правниот систем и регулативата, ефикасноста на јавната администрација и секако ЕУ членството кое е забавено. Се’ би можело да се одвива побрзо и сигурно за германските претпријатија Македонија ќе биде уште поинтересна кога би била ЕУ членка.

На Бизнис форумот за Македонија во Хамбург учествуваа претставници на педесетина заинтересирани производни и консалтинг фирми. Како дознава ДВ, посебен интерес покажале „Фрезениус медикал кер“ фирма со милијарди евра годишен обрт и банката „ДНГ“ (Герамнско друштво за развој) која има инвестиции во Источна Европа.