1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

Македонија има чешка поддршка за влез во ЕУ и НАТО

Чешкиот министер за надворешни работи Шварценберг по средбата со македонскиот колега Попоски во Прага ја истакна добрата подготвеност на Македонија во интеграцискиот процес.

default

Чешкиот министер за надворешни работи Карел Шварценберг

Македонија денеска уште еднаш доби поддршка за влез во НАТО и во ЕУ од Чешката Република. Пораката од Прага ја упати чешкиот министер за надворешни работи Карел Шварценберг од прес-конференцијата што се одржа по средбата со шефот на македонската дипломатија Никола Попоски, јави новинската агенција МИА.

„Односите меѓу Македонија и Чешка се многу добри. Се интересираме многу за земјата и за нејзините соседи и интеграцијата во НАТО и ЕУ и ја поддржуваме нивната интеграција“, рече првиот чешки дипломат.

Неодамна земјата го започна високиот дијалог со ЕУ, додаде тој, и се покажа колку добро Македонија е подготвена.

„Верувам дека со разговорите со Грција се на добар пат и кога ќе се реши спорот со името ќе бидеме среќни да и посакаме добредојде на Македонија во НАТО и во ЕУ“, рече Шварценберг.

Шварценберг: „Македонија е на добар пат“

Nikola Poposki Außenminister Mazedonien

Шефот на македонската дипломатија Никола Попоски


Во однос на членството на Македонија во НАТО и претстојниот Самит во Чикаго, одговарајќи на новинарско прашање тој истакна дека не е потребен самит за да биде дадена покана за членство.

„Тоа може да се направи на амбасадорско ниво на Северноатлантскиот совет“, рече чешкиот министер за надворешни работи, потсетувајќи дека самитот во Чикаго не е за проширување, туку дека сојузниците се договориле да разговараат за други прашања.

И покрај економската криза, како што рече Шварценберг, Македонија е на добар пат. На средбата денеска станало збор и за економската соработка помеѓу двете земји.

Чешкиот министер за средината на април ја најави посетата на премиерот Петр Нечас, кој во Македонија ќе допатува со бројна бизнис делегација. „Економската соработка е добра. Нашата взаемна трговија се зголемува“, изјави Шварценберг.

Македонскиот министер за надворешни работи Попоски ја истакна важноста за влез на земјата во НАТО и во ЕУ.
„Македонија ја цени чешката поддршка за остварување на стратешките цели – членство во НАТО и во ЕУ“, рече Попоски.
Земјата ги исполни критериумите за членство во НАТО и во ЕУ, а за тоа, како што истакна Попоски, потврди и пресудата од Хаг. Македонија, посочи тој, веќе е третирана како членка на Алијансата, а во однос на ЕУ има многу позитивни сигнали со отпочнувањето на високиот дијалог со ЕК. Во таа насока, рече, од особено значење е регионалната соработка.
Постојаноста на политиката на проширување е многу важна, додаде тој, и „ние веруваме дека нашиот труд ќе биде вреднуван“.