1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Панорама

Лобистичката џунгла на Берлин

Здружението „Лоби контрол“ од Берлин се занимава со откривање на задклусните активности на лобистите, кои се обидуваат да ги протуркаат интересите на претпријатијата во политичките кругови.

default

Што се’ се случува под куполата на Рајхстагот и околу него?

Во здружението „Лоби контрол“ од Берлин се ангажираат посебно голем број млади од Германија. Она што се чини дека посебно ги привлекува во оваа невладина организација е нејзината мисија, имено откривањето на задклусните активности на лобистите. Здружението организира два пати месечно и посебни тури по Берлин, во кои им ги покажува на заинтересираните местата каде се среќаваат лобистите и политичарите и ги појаснуваат нивните активности.

„Туристичка тура“

Студентката по политички науки Миријам Штајн води група гимназијалци во студеното зимско утро и им објаснува: „Овде стоиме пред зградата на германското здружение на производители на пиво, кое секоја година доделува почесна титула ’амбасадор на пивото’. Таа е секогаш наменета на политичари. Овде на сликата се гледа актуелната министерка за земјоделство, Илзе Аигнер, која ја доби почесната титула за 2009 година.“

Deutschland Berlin Messe Grüne Woche Ilse Aigner und Klaus Wowereit

Министерката за земјоделство Илзе Аигнер на отворањето на годинешната „Зелена недела“ во Берлин

На оваа информација минува ромор низ групата од дваесетина гимназијалци, кои не можат да се начудат колку тесно се поврзани политиката и претпријатијата. Во турата низ лобистичката џунгла на главниот град спаѓаат посети на зданијата на рекламни агенции, седишта на концерни за производство на електрична енергија, но и на неугледни кафулиња, во кои се среќаваат политичарите и застапниците на интересите на индустријата. Целта на ваквите средби е да се создадат добри контакти со политичарите за некои подоцнежни времиња, кога тоа ќе биде потребно. „Проблемот е во тоа што претпријатијата се обидуваат да ги вметнат своите соработници како лобисти во министерствата, за да можат таму да бидат присутни кога ќе се донесуваат одделни закони и на тој начин да можат да извршат соодветно влијание. Втор проблематичен аспект е кога формулирањето на законските предлози се префрлаат од министерствата во стручни фирми или адвокатски канцеларии, на пример по налог на министерството за сообраќај. Се’ е во ред додека не се дојде до податокот дека истата адвокатска канцеларија како свои муштерии има големи автомобилски концерни и со тоа автоматски е пристрасна при изготвувањето на документот“, појаснува студентката Миријам Штајн, која веќе една година активно соработува во здружението „Лоби контрол“.

На наредната страница ќе читате за барањето за формирање на регистар на лобисти во Германија.