1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Економија

Лагард: Mожна e нова голема депресија во светската економија

Прогнозата на светската економија е прилично песимистичка и ниту една економија во светот нема да биде имуна на кризата која во моментов ескалира, оцени извршната директорка на ММФ Кристин Лагард, на форум во Вашингтон.

default

Кристин Лагард

Според Кристин Лагард, кризата не може да ја реши само една група земји со примена на одредени мерки, туку таа може да се реши со ангажман на сите земји и региони во светот. Лагард оцени дека светот може да се соочи со истите закани како тие што го донесоа до големата депресија во 30-тите години на минатиот век, ако некои прашања не се решаваат одлучно.

„Нема економија во светот, без разлика дали е во земјите со ниски приходи, пазарите со брз развој, земјите со средни приходи или многу напредните економии, која ќе биде имуна на кризата, која што не само што трае, туку и се интензивира“, изјави Лагард на конференцијата во Стејт департментот.

Лагард смета и дека економската криза се интензивира и дека напорите за борба против неа треба да почнат од земјите во еврозоната. Сепак, таа нагласи дека Европа не може сама да ги реши своите проблеми и оти сите земји мораат да работат заедно, со помош на ММФ, на решавањето на проблемите на тешко задолжените европски земји. Притоа, Лагард потсети на нешто што целиот свет го признава – дека постои голема поврзаност на сите економии.

„Треба да се соочиме со проблемите, а не да одбиваме да признаеме дека тие постојат, да ја прифатиме реалноста и потоа да ја решаваме“, заклучи извршната директорка на Меѓународниот монетарен фон, Кристин Лагард.

Автор: Александар Методијев / бета / миа

Редактор: