1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

Кукан: Ја сакаме Македонија во ЕУ

Евентуалното одржување на предвремени парламентарни избори е внатрешно прашање на Македонија, изјави словачкиот европратеник Едуард Кукан во Скопје. Тој уште порача дека Македонија му припаѓа на европското семејство.

default

Едуард Кукан

Прашањето за избори е одговорност на политичките институции на земјата, порача Кукан, известувач во сенка за Македонија во Европскиот парламент, по денешната средба со вицепремиерот задолжен за европски прашања, Васко Наумовски.

Кога станува збор за интеграцијата на Македонија во ЕУ Кукан порача: Македонија му припаѓа на европското семејство и доколку името се реши денес Македонија ќе добие датум за почеток на преговорите.

„Пораката од Брисел е: Да, ние ве сакаме во ЕУ, во европското семејство. Знаеме дека предолго чекате на датумот за почеток на пристаните преговори и се надеваме дека ќе биде возможно да започнете со нив“, истакна Кукан во Скопје. Лично мислам дека тоа не е добро само за Македонија и за регионот, туку и за Европската унија, бидејќи не можете да зборувате за обединета Европа без вклученост на земјите од Западен Балкан“, рече Кукан, пренесувајќи ја, како што вели, пораката на Брисел.

Flaggen der EU und Mazedonien in Skopje

Запрашан за искажаните црвени линии од страна на Грција, Кукан рече дека во Европарламентот се надеваат оти името ќе се реши и тоа што поскоро- подобро, но не смета оти е добро вмешување на ЕУ во спорот за името.

„Постојат одредени дебати во Европскиот парламент дека е потребно да се инволвираме како медијатори меѓу двајцата партнери, но лично мислам дека тоа ќе ја искомплицира сегашната ситуација. Се надевам дека ќе се најде начин за да се реши прашањето за името“, рече Кукан.

Автор: ЖА/СН/миа/макфакс/ГП

Редактор: Александра Трајковска