1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Економија

Куба сака да ја укине двојната валута

Куба е единствена земја во светот со две национални валути. Системот го парализира социјалистичкото стопанство и предизвикува социјално незадоволство. Затоа владата сака да ја укине двојната валута, но проблемот е-како?

Парите се пари, но не и во Куба. Овде туристите, на пример, кога купуваат сувенири или се во ресторан, плаќаат со своја валута, таканаречените „туристички пезоси“. Туристичките пезоси се најважниот извор на девизи за социјалистичката држава.

Проблемот е што Кубанците мораат да плаќаат со нормални пезоси, кои пак имаат само мал дел од вредноста на туристичката верзија на валутата. Со нив граѓание на Куба можат да купуваат само во продавници каде понудата е ограничена - едноставни, евтини производи. Затоа Кубанците ја поддржуваат реформата која е во план.

„Со една валута може да се купува без претходно да мора да се разменуваат пари. Со една валута може да се купи се‘“, вели една жена во Хавана.

FLASH-GALERIE Kuba

Двојната валута ја разединува земјата. Едни мораат да се задоволат со државни плати од околу 15 евра месечно, други, пак, добиваат девизи од роднините од странство или директно од туристите. Еден таксист често заработува повеќе отколку лекар во државна служба. Владата сака надминување на ваквата поделеност. Претседателот Раул Кастро констатираше:

„Феноменот на двојна валута е една од најголемите пречки за национален напредок.“

Одбрани државни претпријатија наводно веќе ја тестираат новата валута. Нејзината вредност, како што се вели, е во средина меѓу домашниот и туристичкиот пезос.