1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Вести

Косово - Виена - Контакт група

*

Преговарачката тројка на Контакт групата за Косово денеска во Виена води одвоени разговори со делегациите на Белград и Приштина. Претставникот на ЕУ, Волфганг Ишингер изјави дека мандатот на тројката предвидува до 10 декември да биде поднесен извештај до генералниот секретар на ОН, Бан Ки Мун. Ишингер е оптимист околу резултатите од денешните разгвоори. Белград на виенските преговори го претставува политичка делегација предводена од шефот на дипломатијата, Вук Јеремиќ и министерот за Косово, Слободан Самарџиќ, кој во очи на состанокот изјави дека преговарачката тројка го прифатила предлогот на Белград да се разговара за статусот на покраината. Косовскиот премиер, Агим Чеку, во Виена за српските новинари изјави дека за статусот нема што да се разговара. Приштина во Виена, покрај Чеку, ја претставуваат и претседателот на Косово, Фатмир Сејдиу и првиот човек на парламентот, Кољ Бериша, како и претставници на опозицијата.