1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Конференцијата за Сирија на 22 јануари

Меѓународната конференција која беше постојано одложувана, ќе се одржи на 22 јануари, соопшти генералниот секретар на ОН Бан Ки Мун во Њујорк. На неа ќе учествуваат претставници и на власта и на опозицијата во Сирија.

Бан Ки Мун денеска (25.11) им се заблагодари и на Русија и на САД за иницијативата за мировна конференција за Сирија. „Во Женева одиме со мисија на надеж“, ги пренесува зборовите на генералниот секретар на ОН негов портпарол.

Средбата треба да даде основа за мирен преоден период во Сирија. Според намерите, на сите граѓани во Сирија треба да им се обезбедат мир и сигурност.

Во меѓувреме, високи дипломати на САД и Русија, денеска во Женева разговараат со специјалниот пратеник на ОН и на Арапската лига за Сирија, Лакдар Брахими, за деталите околу организацијата на конференцијата. Бан Ки Мун објаснува дека непосредна цел е да се создаде преодна влада со полни егзекутивни права, чиј дел е и овластувањето за издавање наредби на армијата и на безбедносните сили на Сирија.

Genf Beratungen zu Syrien 13.09.2013

Лакдар Брахими денеска разговара со високи дипломати на САД и Русија околу деталите за конференцијата

Според соопштението на генералниот секретар на ОН (на насловната фотографија), сириските претставници во Женева „мора да дојдат со јасни намери за ставање крај на војната“.

Конференцијата за Сирија првично требаше да се одржи уште во текот на оваа година, но постоеше судир околу тоа кој ќе учествува на разговорите. Од почетокот на судирите во Сирија, во март 2011 година, според групи за човекови права, животот го загубија повеќе од 120.000 луѓе.