1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Панорама

Конструктор на клавири од љубов

Сакал да стане пиjанист, но настапувањето пред публика не му лежело. Така Кристијан Мокчан се одлучил за друга професија. Тој е мајстор за изработка на пијана во реномираната работилница од Бајројт „Штајнгребер и синови“

Класичната музика е негов живот. Кристијан Мокчан сакал всушност да стане пијанист. Но, денес тој е мајстор за изработка на клавири, добар како ретко кој во Германија.

„Да, конструктор на клавири. Звучи малку грубо, но тоа беше решение во неволја и тоа многу убаво решение. Всушност сакав да студирам пијано, но потоа размислив и се запрашав: што би правел по студирањето? И тоа воопшто не беше лесно“, вели Кристијан.

Потоа тој одлучил да не оди по уметничкиот пат, туку да стане занаетчија. Триипол години учел за мајстор за изработка на пијана. И тоа не каде било, туку во неговиот роден град Бајројт, во реномираната работилница „Штајнгребер и синови“.

Неговиот колега, Алојз Аделхарт, вели: „Се’ што ќе сработи има квалитет.“

Кристијан Мокчане самокритичен:

„ Јас сум задоволен дури кога ќе кажам ’ова е добро’. Претходно не сум задоволен и кога во работата морам да вклучам и други луѓе , го правам тоа само за да се постигне квалитет.“

Кристијан Мокчан го положи испитот за мајстор со одличен успех, односно како најдобар во цела Германија и веднаш беше преземен од „Штајнгребер и синови“. Изработката и реставрацијата на пијана за него стана страст. Дури и дома, во спалната соба има работилница. Работи на еден инструмент од 1887 година.

„Повеќе не можам да го извлечам од спалната соба, зашто е блокиран од мојот кревет. Така што е заробен тука. Креветот дополнително се зголеми“, вели тој, додавајќи:

Гледај видео 02:40

Погледнете го видеото за страствениот производител на клавири

„Да, значи може навистина да ме сметаат за фрик. Но тоа не е точно. Работам тука на пијаното само онолку колку што е потребно. Инструментот го добив како подарок.“

Само на резонантната штица мора да работи уште половина година. И штимањето на инструментот е дел од обуката и тоа веќе е негова специјалност.

„Внимавам на разликите во тонот. Тоа значи ако инструментот малку е расштиман, ќе почне да завива.“

Кристијан вели дека мора да се има апсолутен слух:

„Доволен е нормален слух. Не смее да биде оштетен од дискотека. Сосема нормален.“

Тој е скромен, но амбициозен. За неколку години Кристијан Мокчан сака да изработува сопствени инструменти на кои ќе се свири во целиот свет.

Аудио и видео прилози на оваа тема