1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Теми

Комплетирана листата за Мундијалот 2010

Познати се 32-те репрезентации кои ќе настапат на Светското првенство во фудбал следната година во Јужноафриканската Република. Во бараж натпреварите синоќа(18.11.2009) имаше изненадувања.

default

Логото на Светското првенство во фудбал во 2010 година

Во бараж натпреварите кои се одиграа синоќа, најголемоот изненадување го направи Словенија, која ја елиминираше репрезентацијата на Русија. Словенците обезбедија втор настап на мундијалите откако со голот на Дедиќ во 44 минута ги совладаа фаворизираните гости со 1 спрема 0. На Русите не им помогна предноста од 2 спрема 1 од првиот дуел во Москва, ниту пак присуството на претседателот Дмитри Медведев на трибините на стадионот во Марибор.

WM Qualifikation Russland und Slowenien

Рускиот премиер Владимир Путин и словенечкиот, Борут Пахор

БиХ не успеа

Втората репрезентација од поранешна Југославија која беше на чекор до пласман, Босна и Херцеговина, не успеа да го повтори подвигот на Словенците. Босанците загубија во Зеница од Португалија со 1спрема 0, и со вкупни 2 спрема 0 се простија од шансата за првпат да настапат на Мундијалот. Голот за Португалците го постигна Меирелес во 56-та минута од средбата.

WM Qualifikation Slowenien Russland Fußball Fans

Од натпреварот Словенија-Русија

Вистинска драма се одвиваше на „Стад д Франс“ во Париз, каде домаќинот Франција дури по продолженијата и во најмала рака со контроверзен гол обезбеди пласман во Јужна Африка. Ирците поведоа со голот на Кини во 33-та минута. Со тој резултат се влезе и во продолженијата, бидејќи Франција постигна идентична победа во Даблин. Се играше 103-та минута, кога Тјери Анри со рака прими една топка во 16-от на гостите, а Гала ја проследи топката во мрежата. Доволно за славје на Французите, но и за нов скандал во светскиот фудбал, и жестоки реакции на Ирците.

WM Qualifikation Portugal Bosnien Fußball

Екипата на БиХ не успеа против Португалија

Грција е последната европска репрезентација која обезбеди пласман на Мундијалот, откако во реваншот во Доњецк ја совлада Украина со 1спрема 0.

Драматично и во Африка

Драматично беше и на африканскиот континент, каде Египет и Алжир мораа да одиграат мајсторка на неутрален терен за да одлучат кој ќе патува на крајниот југ. Мечот го одлучи еден гол кој го постигна Јахија, и Алжир се пласираше на Мундијалот.

Во американското дерби, Уругвај и Коста Рика во реваншот одиграа нерешено, 1спрема 1, по што Уругвајците по подолга пауза ќе се најдат на самитот на најдобрите светски фудбалери.

Германската фудбалска репрезентација вчера одигра пријателски натпревар со Брегот Слонова коска, кој заврши нерешено 2 спрема 2. Мечот мина во сеќавање на трагично починатиот голман Роберт Енке, чиј дрес беше поставен на клупата за резервни играчи.

Автор: БГ/ЖА/ројтерс/афп/бета

Редактор: Жана Ацеска