1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Клинтон ја почна балканската турнеја

Американскиот државен секретар синоќа допатува во Сараево, од каде, придружувана од високата претставничка на ЕУ, Ештон ќе продолжи за Белград, Приштина, Тирана и Загреб.

Американската државна секретарка Хилари Клинтон и високата претставничка на ЕУ Кетрин Ештон денеска во Белград ќе разговараат со највисоките српски претставници околу Косово и процесот на европски интеграции. Кратката посета вклучува средби со српскиот претседател Томислав Николиќ и премиерот Ивица Дачиќ. Според Дачиќ, Клинтон не доаѓа во Белград за да поставува услови, туку за да го охрабри европскиот курс на домашните власти. За безбедноста на високите гости ќе се грижат околу 4 илјади полицајци.

US Aussenministerin Clinton In Sarajevo

Клинтон во Сараево

Клинтон турнејата ја почна синоќа во Сараево, а од Белград продолжува за Приштина. Во рамките на балканската турнеја, американската државна секретарка ќе ги посети и Тирана и Загреб.

Во пресрет на посетата на Клинтон на Балканот, американскиот аналитичар Даниел Сервер оцени дека Клинтон и Ештон мораат да им подвлечат на српските власти, а особено на премиерот Ивица Дачиќ, дека за нив е неприфатлива поделба на Косово. Сервер препорачува САД во балканската политика да продолжат со координирањето со Европската Унија, и да вршат сериозен и заеднички координиран напор кон балканските земји за нивно подготвување за членство во ЕУ.