1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Клинтон излезе од болница

Американската министерка за надворешни работи Хилари Клинтон е отпуштена од болницата во Њујорк, каде мина три дена поради тромб во вената во близина на мозокот, соопшти Стејт департмент.

Заменик помошникот државен секретар Филип Рејнс изјави дека Хилари Клинтон, според трвдењата на нејзиниот медицински тим, добро напредува во секој поглед и наскоро ќе закрепне.

Рејнс додаде дека Клинтон е задоволна со исклучителната нега, која ја добила во болницата и оти едвај чека да се врати на работа, а датумот на нејзиното враќање во Стејт департментот се‘ уште не е утврден.

Клинтон беше задржана на лекување во неделата, отако за време на прегледот е утврдено дека во вената меѓу черепот и мозокот има згрутчување и е проценето дека во болница треба да остане најмалку 48 часа. Нејзините лекари претходно изјавија дека тромбот не предизвикал мозочен удар, ниту невролошки оштетувања.

Американската министерка не е видена во јавноста речиси четири недели, откако доби стомачен вирус на враќањето од Европа на 7 декември, поради што ја откажа посетата на северна Африка. По инфекцијата таа дехидрирала, а потоа загубила свест и доживеала потрес на мозокот, кој, како што се претпоставува, го предизвикал тромбот.