1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Кирил: Општество без Бог е осуденo на неуспех

Поглаварот на Руската православна црква Кирил за време на посетата на Полска се изјасни против секуларното општество. Папата Бенедикт Шеснаесетти високо ја оцени посетата на рускиот патријарх на Полска.

Рускиот патријарх Кирил ја заврши историската посета на Полска. Тој беше првиот поглавар на Руската православна црква кој воопшто ја посетил католичка Полска. На крајот од четиридневниот престој патријархот Кирил оддржа богослужба под отворено небо . Тој пред илјадници верници во местото Грабарка во источна Полска , најважното свето место за православната црква во Полска се изјасни се изјасни против секуларното општество.

„Општество без Бог е осудено на неуспех“, порача рускиот патријарх. Според официјалните податоци, од 38,2 милиони жители на Полска, половина милион се православни христијански верници.Во петокот Кирил и претстедателот на католичката бискупска конференција на Полска Јозеф Михалик потишаа заедничка декларација за помирување. Потписниците на заедничката изјава, притоа, се обврзаа дека „ќе го бранат правото и присутноста на религијата во јавниот живот" на Европа под налетот на секуларизацијата.

„Надеж за иднината“

Полскиот претседател Бронислав Коморовски ја оцени декларацијата како важен импулс за подобри полско руски односи. Папата Бенедикт Шеснаесетти пак порача дека настанот дава надеж за иднината.

Поглаварот на римокатоличката црква ја  смета дека посетата на рускиот патријарх Кирил на Полска, за многу важен настан кој може да донесе „добри резултати“, објави Радио Ватикан.

„Ова е важен настан, кој ги закрепнува надежите за иднината“, изјави Бенедикт Шеснаесетти, во неговото неделно обраќање на верниците и аџиите во Ватикан по пладневната молитва во неговата летна резиденција Кастел Гандолфо.

„Им пожелувам топло добредојде на Неговата Светост и на сите православни верници“, рекол Папата. Потсетувајќи ги верниците дека серускиот патријарх Кирил се сретна со католичките бискупи во Полска и во петокот ја потпишаа заедничката порака до народите на Полска и на Русија за меѓусебно простување и помирување, Папата истакнал дека овој документ укажува на „добрата волја за создавање на братското единство и соработка на нашите Цркви да се шират евангелските вредности во современиот свет, во духот на едната вера во Исус“.