1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Теми

Кипарски Анортозис исфрлен од Лига Европа

Дисциплинската комисија на УЕФА соопшти дека кипарскиот клуб Анортозис е исфрлен од квалификациите за Лига Европа поради инцидентот кој го предизвикаа неговите навивачи.

Скандалот се случи на возвратниот дуел на Анортозис против грузискиот Дила Гори. Првиот меч во Грузија Кипраните го добија со 1:0, но во реванш-мечот од третото коло на квалификациите на 9. август, тие губеа со 0:3, поради што навивачите влегоа на теренот и го прекинаа натпреварот на 10 минути пред крајот.

Освен што е исфрлен од натамошниот тек на натпреварите, Анортозис следните три меча како домаќин во меѓународните натпреварувања ќе мора да ги игра пред празни трибини, а ќе мора да плати и казна од 50 илјади евра.

Кипарскиот клуб има рок од три дена да вложи жалба до Европската фудбалска федерација на оваа одлука.