1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Теми на денот

Кина и тајванската опозиција си подадоа рака

Кина и тајванската опозиција конечно му ставија крај на повеќедецениското непријателство и со денешното ракување во Пекинг на лидерот на Куомитан Лиен Чан и кинескиот претседател Ху Џинтао отворија ново поглавје во историјата на нивните односи. Тајванскиот опозициски лидер отпатува во Кина уште пред три дена и со тоа ги испровцира властите во Тајпеи, кои се противат на обедувањето на Кина.

Од средбата во Пекинг

Од средбата во Пекинг

Спротивставените страни од времето на цивилната војна во 1949 година , на двочасовниот состанок во кинеската претстолнина, се договорија да соработуваат како и да вложат напори да се спречи воениот конфликт на Тајванскиот теснец.

,, Тоа што стапнавте на кинеска територија е историски чекор за двете партии. Вашата посета е најважниот настан во историјата на нашите односи. Тоа исто така значи една обврска за подобра соработка меѓу двете страни во однос на Тајванскиот теснец“, рече Џинтао, кој во Кина ја предводи Комунистичката партија.

,, Верувам дека вратите сега се отворени за да продолжиме да градиме нови односи, посочи тајванскиот опозициски лидер Лиен Чан , кој воедно ја повика Кина да спроведе политичка реформа.

,, За брзината и темпото на политичките реформи во земјата се уште има простор за нивно подобрување. И покрај тоа, ние во изминатите години се обидувавме да се приближиме. Тоа е историста тенденција,, посочи шефот на Куомитан.

Двете партии се договорија и да соработуваат на економски план. Тајванската опозиција почна интензивно да се приближува кон Кина откако таа во март го донесе антисецесионистичкиот закон, што и дава право да го нападне Тајван доколку островот се обиде да постигне незавиност.