1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Економија

Каква ќе биде туристичката сезона во Грција?

Грција е во огромна финансиска криза, а летото и‘ задава дополнителни грижи. Имено, земјата живее од туризмот, а веќе сега Грците стравуваат дали годинава ќе допатуваат исто толку туристи како и другите години.

Griechenland Kreta Krise Tourismus 2011 Vor der Krise bekam man selbst in der Vorsaison an Kretas Stränden kaum noch eine Liege – dieses Jahr hat man die volle Auswahl

Плажите на Крит се речиси празни

Пред се’ жителите на најголемиот остров Крит целосно се надеваат на приходи од посетителите од странство. Крит годишно го посетуваат еден милион туристи. „Овде се гледаат резервациите. Тоа значи дека секојдневно мораме да гледаме како се движат и дали се зголемуваат. Според тоа одлучуваме дали да ја намалиме или зголемиме понудата.”

Ирини е директорка на хотелот „Иринимаре” со четири ѕвездички на островот Крит. Хотелот располага со 230 кревети и 100 соби, а бројките на мониторот ја покажуваат состојбата со резервациите во хотелот: „Повеќето од резерваците се т.н. ласт минит, односно резервации направени во последен момент. Во Германија ова е особено популарно”, вели Ирини. Хотелиерите како Ирини најчесто знаат во последен момент дали целосно ќе се наполни хотелот. Сега, во кризата, уште потешко се калкулира. Почетокот на сезоната беше слаб. Се поставува прашањето дали туристите ќе дојдат барем во шпицот на сезоната? Ирини има 35 вработени, а во моментов се пополнети само една третина од хотелските соби. Поради тоа во принцип не и’ се потребни сите 35 работници: „Се грижам и не можам да спијам. Се чувствувам одговорна за моите соработници. Не можам да ги оставам до јули без работа и потоа одеднаш да кажам: е, сега ми требате за два месеци,” објаснува Ирини.

Наместо странски работници, работа бараат грчки работници

Griechenland Kreta Krise Tourismus 2011 Hotel Irini Mare Besitzer Höhere Steuern, steigende Preise – Hotelchefin Irini ist skeptisch, dass Hoteliers in der Saison 2011 Gewinn machen

Ирини, директорка на хотелот „Иринимаре“

Меѓутоа, голем дел од нејзините колеги-хотелијери го прават токму тоа. Кај Ирини постојано ѕвони телефонот. Голем број работници од туристичката бранша сакаат да се информираат дали има работа кај неа за летната сезона. Необичното е тоа што не се јавуваат Албанци, Бугари или Турци како вообичаено, туку Грци. Во земјата во моментов има 16 проценти невработени луѓе. Меѓутоа, Ирини не може да им понуди работа. Таа се бори против постојаното покачување на трошоците. Данокот на додадена вредност се зголеми од 19 на 23 проценти. Ирини стои на балконот од хотелот и ги пречекува гостите од Германија: „Мислам дека доколку продолжи ваквото темпо ќе биде многу критично. Нема да имаме повеќе увезени производи. На пример, месото го добиваме од Германија. Пред две години плаќав само 20 проценти од напред. Денес лиферантот ми вели дека не може веќе така, туку во моментот кога ќе нарачам морам веднаш да му ги уплатам сите пари." Истото се случува со шампонот од Италија, како и приборот за јадење, раскажува Ирини.

Туристите не ја забележуваат кризата во земјата

Im westlichen Teil des Hafens der malerischen Altstadt von Chania steht die ehemalige Janitscharen-Moschee (Foto vom 13.05.2009). Die Mitte des 17. Jahrhunderts erbaute Hassan-Pascha-Moschee ist das älteste islamische Bauwerk der Stadt. Foto: Frank Baumgart +++(c) dpa - Report+++

Крит живее од туристите

Недалеку од хотелот на Ирини се наоѓа малото заливче Плакиас. На плажата нема многу луѓе. Едни од нив се Карин и Франц од Германија. По турата планинарење тие седат и пијат традиционално грчко пиво „Митос”:„Колбасите и сирењето се скапи. Се’ што произведуваат сами е ефтино, она што го увезуваат е скапо. Путерот чини 3 евра и 45 центи”, вели Франц. „Сакав да си купам француски кашкавал камембер, но чини 4,50 евра. Има многу работи што се дури за три пати поскапи од кај нас во Германија”, вели Карин.

Еден литар бензин на Крит чини 1,88 евра. Само портокалите, овчото сирење и доматите се ефтини. Карин и Франц се веќе три недели на Крит и се чудат како преживуваат домашните во земјата. Со работно место во туристичката бранша може да се заработат околу 1.000 евра месечно. Но, дали тие самите, како туристи, забележале или почувствувале нешто од кризата во земјата: „Апсолутно ништо. Имаме впечаток дека на Грците им оди добро и дека можеме да добиме се’ што ни е потребно”, вели Карин.

Во најлоша состојба се наоѓаат младите Грци

###***Achtung: Die Bilder nur im Zusammenhang mit der Berichterstattung Tourismuskrise Kretavon Miriam Klaussner verwenden.##***_ Quelle: Miriam Klaussner. Freie Platzwahl - die Gastronomen hoffen auf das Sommergeschäft - trotz Krise.

Рестораните се празни, нема ниту домашни гости

Шефицата Ирини е загрижена за иднината на нејзините деца. Нејзиниот син студира туризам: „За жал, сите студенти заминуваат во странство. Син ми вели дека можеби ќе остане, но ќерка ми сака да замине во САД. Тоа е тажно, бидејќи Грција е богата земја, но имаме многу лоша влада. Од првата до последната сите беа лоши.”

Меѓутоа, Ирини не сака да ги зголеми цените во хотелот. Само со цел да не ги исплаши туристите, таа прави загуба. Па, сепак се смешка. Таа има нова бизнис идеја. Доколку се’ оди како што треба, следната година ќе започне со велосипедски туризам. На некои други острови како Мајорка ова е многу популарно. Не напразно се вели дека во секоја криза се крие нова шанса!

Автор: Мириам Клауснер / Бисера Огњановска Митров

Редактор: Жана Ацеска