1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Теми

Истрагата за несреќата на Шумахер е завршена

Во тешката скијачка несреќа на Михаел Шумахер нема вина на трето лице. Надлежното француско државно обвинителство ја затвори истрагата за овој случај.

Француското државно обвинителство ја затвори истрагата за скијачката несреќа на седумкратниот светски првак во Формула 1, Михаел Шумахер. Се исклучува можноста дека во несреќата било вмешано друго лице, не постојат индиции за кривично дело, соопшти одговорниот државен обвинител Патрик Квинси.

Според соопштението на државното обвинителство карпата, на која паднал Шумахер и втората карпа на која удрил со главата, се наоѓале на оддалеченост од 10,40 метри една од друга. Овие карпи биле оддалечени 4,50 метри од границата на патеката. Ознаките и одбележувањето на патеката биле согласни на француските прописи, соопшти државниот обвинител.

Михаел Шумахер на 29. декември 2013. година имаше скијачка несреќа надвор од обележана скијачка патека во скијачкиот центар Мерибел и со главата удри во камен. При падот Шумахер се здоби со тешки повреди на главата опасни по живот и оттогаш лежи во кома.

Од крајот на јануари лекарите во болницата во Гренолб ја намалуваат количината на наркоза, со што е започнато полека будењето на рекордерот во Формула 1 Шумахер.